ការស្រាយ​បំភ្លឺ​របស់​ក្រុមហ៊ុន ស្មាត អាស្យាតា ខូអិលធីឌី ជុំវិញ​ការលើក​ឡើង​ក្នុង​បណ្តាញ​សង្គម Facebook ថា ប្រព័ន្ធ ស្មាត កាត់​ទឹកប្រាក់​ខ្លាំង

ថ្មីៗនេះ មានការលើកឡើងក្នុងបណ្តាញសង្គម Facebook ថា ប្រព័ន្ធ ស្មាត កាត់ទឹកប្រាក់ក្នុងគណនេយ្យរបស់អតិជនខ្លួន​ខ្លាំង។ បន្ទាប់ពីទទួលបានដំណឹងនេះ ក្រសួងប្រៃសណីយ៍ និងទូរគមនាគមន៍ ជាមួយនឹងបញ្ញត្តិករទូរគមនាគមន៍កម្ពុជា បាន​អញ្ជើញក្រុមហ៊ុន ស្មាត ឲ្យមកធ្វើការស្រាយបំភ្លឺចំពោះករណីខាងលើ។

ក្រុមហ៊ុន ស្មាត បានធ្វើការស្រាយបំភ្លឺថា ​ទឹកប្រាក់ក្នុងគណនេយ្យរបស់អតិថិជនប្រើប្រាស់ប្រព័ន្ធ ស្មាត ត្រូវបានកាត់ដោយសារកត្តាមួយចំនួន ដូចតទៅ៖

១.ប្រភេទទូរស័ព្ទវៃឆ្លាតសេរីថ្មីទំនើបបច្ចុប្បន្ន អាចដំណើរការកម្មវិធីនៃការប្រើប្រាស់សេវាទិន្នន័យច្រើនប្រភេទជាងបណ្តាទូរស័ព្ទសេរីមុន ៗ ។ ទោះបីជាអ្នកប្រើប្រាស់មិនបានប៉ះពាល់វាក៏ដោយ ក៏មានកម្មវិធីមួយចំនួននៅតែដំណើរការនៅពីក្រោយ(Background) ដូចជា កម្មវិធី Facebook, Whatsapp, Line, Viber, Email និងបណ្តាកម្មវិធី OTT(Over The Top)ដទៃទៀត ព្រមទាំងកម្មវិធីហ្គេមជាច្រើន ដែលអ្នកប្រើប្រាស់បានទាញយកមកដាក់ក្នុងទូរស័ព្ទប្រភេទនេះផងដែរ។

២.ក្រុមហ៊ុន ស្មាត កំពុងតែផ្តល់សេវាទូរស័ព្ទចល័តកម្រិត 4G LTE។ ​សេវានេះធ្វើឲ្យអតិថិជនអាចប្រើប្រាស់សេវាអ៊ីនធឺណិតក្នុងល្បឿនជាមធ្យមពី 20 Mbps ទៅ 25 Mbps ដែលល្បឿននេះអាចមើលវីឌីអូ online ដោយគ្មានភាពរអាក់រអួល។ និន្នាការនៃការប្រើប្រាស់នេះ ធ្វើឲ្យអតិថិជនត្រូវចំណាយច្រើនជាងមុន ទោះបីជាការប្រើប្រាស់នោះមានរយៈពេលមួយដូចមុនក៏ដោយ។

ក្រុមហ៊ុន ស្មាត នឹងរៀបចំជាកម្មវិធីសម្រាប់គណនាអត្រាតម្លៃនៃការប្រើប្រាស់ទិន្នន័យ នៅលើគេហទំព័ររបស់ក្រុមហ៊ុន ដែល​នឹងអនុញ្ញាតឲ្យអ្នកប្រើប្រាស់អាចវាយបញ្ចូលចំនួនទិន្នន័យនៃការប្រើប្រាស់ បន្ទាប់មកកម្មវិធីនោះ នឹងផ្តល់នូវលទ្ធផលពាក់ព័ន្ធនឹងការគិតប្រាក់នោះ។

ដូចនេះ ចៀសវាងកុំឲ្យមានការចំណាយច្រើន ឬមួយក៏ត្រូវបានកាត់ទឹកប្រាក់លឿននោះ អ្នកប្រើប្រាស់ប្រព័ន្ធ ស្មាត ទាំងអស់ អាចចូលទៅកាន់ទំព័រ Facebook ឬ គេហទំព័ររបស់ក្រុមហ៊ុន ស្មាត ដើម្បីអានសេចក្តីណែនាំលម្អិត។

ក្រសួងប្រៃសណីយ៍ និងទូរគមនាគមន៍ និងបញ្ញត្តិករទូរគមនាគមន៍កម្ពុជា នឹងបន្តសហការគ្នាតាមដានការវិវត្តន៍ពាក់ព័ន្ធនឹងករណីនេះ​ យ៉ាងយកចិត្តទុកដាក់ និងជាប់ជាប្រចាំ ជាបន្តទៀត៕  


ឯកឧត្ដមរដ្ឋមន្ត្រី ត្រាំ អីុវតឹក អញ្ជើញ​ជាអធិបតី​ក្នុង​ពិធី​សម្ពោធ​ដាក់​ឲ្យ​ប្រើប្រាស់​ជាផ្លូវ​ការ​អគារ​រដ្ឋបាលថ្មី​ មន្ទីរ​ប្រៃសណីយ៍ ​និង​ទូរ​គមនាគមន៍​ ខេត្តស្ទឹងត្រែង​​​

គ្រឹះ​ស្ថាន​មីក្រូ​ហិរញ្ញវត្ថុ​ទាំងអស់នៅកម្ពុជា​ជា​របស់ឯកជន មិនមែនជា​របស់រដ្ឋនោះទេ​ សូមបងប្អូនប្រជាពលរដ្ឋកុំយល់ច្រឡំ​

ឯកឧត្តមរដ្ឋមន្ត្រី ប្រាក់ សុខុន អញ្ជើញជាអធិបតីក្នុងពិធីចុះ ហត្ថលេខាលើអនុស្សារណៈយោគយល់ និង កិច្ចព្រមព្រៀងអំណោយកសាងអន្តេវាសិកដ្ឋាន នាថ្ងៃទី ១៨ ខែ កុម្ភៈ ឆ្នាំ២០១៦​

ទូរគមនាគមន៍កម្ពុជា សម្រេចផ្អាកការងារ និងព្យួរប្រាក់បៀវត្សរ៍បណ្តោះអាសន្នរបស់និយោជិត ៤ រូប​

កិច្ចសន្យាគម្រោងខ្សែកាប្លិ៍អុបទិកក្រោមបាតសមុទ្រត្រូវបានអនុម័តធ្វើឲ្យកម្ពុជាអាចទទួលបានល្បឿន អ៊ីនធឺណិតកាន់តែលឿន​

administrator | ថ្ងៃ អង្គារ ទី ៣០ ខែ មិថុនា ឆ្នាំ ២០១៥

ចំនួនអ្នកអាន 4240

បណ្ណាល័យព័ត៌មាន
អំពីមន្ទីរខេត្តកោះកុង

ថ្ងៃ សុក្រ ទី ១០ ខែ កក្កដា ឆ្នាំ ២០១៥

អំពីមន្ទីរខេត្តកណ្តាល

ថ្ងៃ សុក្រ ទី ១០ ខែ កក្កដា ឆ្នាំ ២០១៥

អំពីមន្ទីរខេត្តកំពង់ធំ 

ថ្ងៃ សុក្រ ទី ១០ ខែ កក្កដា ឆ្នាំ ២០១៥

អំពីមន្ទីរខេត្តបន្ទាយមានជ័យ

ថ្ងៃ សុក្រ ទី ១០ ខែ កក្កដា ឆ្នាំ ២០១៥

អំពីមន្ទីរខេត្តឧត្តរមានជ័យ

ថ្ងៃ សុក្រ ទី ១០ ខែ កក្កដា ឆ្នាំ ២០១៥