ឯកឧត្តម​រដ្ឋលេខាធិការ​ ​សុខ​ ​ពុទ្ធិ​វុ​ធ​ ​បាន​អ​ញ្ជើញ​ចូលរួម​ជា​អធិបតី​ក្នុង​កម្មវិធី​បិទ​វគ្គ​បណ្តុះបណ្តាល​ស្តីពី​បច្ចេកវិទ្យា​5​G​ ​នៅ​ទីក្រុង​ប៉េកាំង​ ​ក្នុង​គោលបំណង​ដើម្បី​ពន្លឿន​ការ​ចាប់ផ្តើម​ដំណើរការ​ 5​G​ ​នៅ​កម្ពុជា​ក្នុង​ឆ្នាំ​ ​២​០​២​០

ប៉េកាំង​: ​នា​ថ្ងៃ​ទី​០​៩​-​១​០​ ​ខែ​មករា​ ​ឆ្នាំ​២​០​២​០​ ​ឯកឧត្តម​ ​សុខ​ ​ពុទ្ធិ​វុ​ធ​ ​រដ្ឋលេខាធិការ​ក្រសួងប្រៃសណីយ៍និងទូរគមនាគមន៍​ ​បាន​អញ្ជើញ​ជា​អធិបតី​ក្នុង​កម្មវិធី​បិទ​វគ្គ​បណ្តុះបណ្តាល​ស្តីពី​បច្ចេកវិទ្យា​5​G​សម្រាប់​មន្ត្រី​ក្រសួងប្រៃសណីយ៍និងទូរគមនាគមន៍​ចាប់ពី​ថ្ងៃ​ទី​០​៦​ ​ដល់​ថ្ងៃ​ទី​ ​១​០​ ​ខែ​មករា​ ​ឆ្នាំ​២​០​២​០​​ដែល​រៀបចំ​ដោយ​បណ្ឌិត្យសភា​បច្ចេកវិទ្យា​គមនាគមន៍​និង​ព័ត៌មាន​នៃ​សាធារណរដ្ឋ​ចិន​ (​ហៅ​កាត់​ថា​ ​CA​I​C​T​) ​នា​ទីក្រុង​ប៉េកាំង​។​

​វគ្គ​បណ្តុះបណ្តាល​នេះ​គឺ​ធ្វើឡើង​ក្នុង​គោលបំណង​ចែករំលែក​នូវ​បទពិសោធន៍​ដល់​ម​ន្រ្តី​នៃ​ក្រសួងប្រៃសណីយ៍និងទូរគមនាគមន៍​កម្ពុជា​ ​ស្តី​អំពី​គោល​នយោបាយ​សម្រាប់​ការ​គាំទ្រ​ការ​អភិវឌ្ឍ​បច្ចេកវិទ្យា​ 5​G​ ​និង​បច្ចុប្បន្នភាព​ចុងក្រោយ​នៃ​បទពិសោធន៍​អំពី​កា​រដាក់​ពង្រាយ​5​G​ ​របស់​សាធារណរដ្ឋប្រជាមានិត​ចិន​ ​និង​បណ្តា​ប្រទេស​មួយ​ចំនួន​ទៀត​។​ ​គួរ​បញ្ជាក់​ផង​ដែរ​ថា​ ​CA​I​C​T​ ​គឺជា​វិទ្យាស្ថាន​ស្រាវជ្រាវ​វិទ្យាសាស្ត្រ​ ​ស្ថិត​ក្រោម​ក្រសួង​ឧស្សាហកម្ម​និង​ព័ត៌មាន​វិទ្យា​ចិន​ (​M​I​IT​)​។​ ​CA​I​C​T​ ​បាន​នឹង​កំពុង​ផ្តល់​នូវ​ការ​គាំទ្រ​យ៉ាង​ពេញទំហឹង​ចំពោះ​យុទ្ធសាស្ត្រ​ ​ផែនការ​ ​គោល​នយោបាយ​ ​ស្តង់​ដា​ ​ការសាកល្បង​ ​និង​វិញ្ញាបនប័ត្រ​សម្រាប់​ការ​អភិវឌ្ឍ​វិ​ស​័​យ​បច្ចេកវិទ្យា​និង​ព័ត៌មាន​ ​និង​កម្មវិធី​ព័ត៌មាន​វិទ្យា​នៅ​ក្នុង​ប្រទេស​ចិន​។​

​ការ​បណ្តុះបណ្តាល​រយៈពេល​ ​៥​ ​ថ្ងៃ​បាន​លើកឡើង​នូវ​ប្រធាន​បទ​ជាច្រើន​ដូចជា​ ​យុទ្ធ​សា​ស្រ្ត​នៃ​បច្ចេកវិទ្យា​5​G​ ​និង​ការ​អភិវឌ្ឍ​ឧស្សាហកម្ម​ជាស​កល​និង​សម្រាប់​ប្រទេស​ចិន​ ​ប្រធាន​បទ​ស្តី​អំពី​ស្តង់​ដារ​និង​បច្ចេកវិទ្យា​5​G​ ​ការ​ចែករំលែក​ហេ​ដ្ឋា​រចនា​ស​ម្ព័ន្ធ5​G​ ​ផែនការ​និង​ការ​គ្រប់គ្រង​វិសាលគម​ន៍( ​Spectrum​) ​សន្តិសុខ​អុី​ន​ធឺ​ណិ​ត​នៃ​ប្រព័ន្ធ​ 5​G​ ​សេវាកម្ម​ ​និង​កម្មវិធី​ផ្សេងៗ​នៃ​បច្ចេកវិទ្យា​5​G​ ​។​ ​ក្រៅពីនោះ​ ​វគ្គ​បណ្តុះបណ្តាល​ក៏មាន​ការចូលរួម​ពី​តំណាង​ក្រុមហ៊ុន​ ​China​ ​Uni​co​m​ ​និង​ ​China​ ​T​e​l​e​co​m​ ​ដើម្បី​ចែករំលែក​នូវ​បទពិសោធន៍​របស់​ពួកគេ​អំពី​កា​រដាក់​ពង្រាយ​ប្រព័ន្ធ​ 5​G​ ​ជា​ផ្លូវការ​នៅ​ក្នុង​ប្រទេស​ចិន​។​

​ក្នុង​ឱកាស​នោះ​ដែរ​ ​ឯកឧត្តម​រដ្ឋលេខាធិការ​ ​សុខ​ ​ពុទ្ធិ​វុ​ធ​ ​ក៏បាន​ជួបពិភាក្សា​ការងារ​ជាមួយ​លោក​ ​L​u J​i​an​w​e​n ​អគ្គនាយក​រង​នៃ​នាយកដ្ឋាន​សហប្រតិបត្តិការ​អន្តរជាតិ​នៃ​ក្រសួង​ឧស្សាហកម្ម​និង​ព័ត៌មាន​វិទ្យា​ចិន​ (​M​I​IT​) ​លោកស្រី​ ​Wan​g​ ​Z​h​i​q​in​ ​អនុប្រធាន​នៃ​ ​CA​I​C​T​ ​និង​លោក​ ​Victor​ ​Z​hang​ ​អគ្គនាយក​បច្ចេកទេស​នៃ​ក្រុមហ៊ុន​ ​H​u​a​w​e​i​ ​ប្រចាំ​ប្រទេស​កម្ពុជា​ ​ដែល​នេះ​ជា​កិច្ចពិភាក្សា​ស៊ី​ជម្រៅ​ស្តី​អំពី​គំរូ​នៃ​ការ​អភិវឌ្ឍ​បច្ចេកវិទ្យា​ 5​G​ ​នៅ​កម្ពុជា​តាម​ទ​ស្សនៈ​នៃ​ក្រសួង​ឧស្សាហកម្ម​និង​បច្ចេកវិទ្យា​ព័ត៌មាន​ចិន​ (​M​I​IT​) ​បណ្ឌិត្យសភា​បច្ចេកវិទ្យា​គមនាគមន៍​និង​ព័ត៌មាន​ចិន​(​CA​I​C​T​) ​និង​ក្រុមហ៊ុន​ ​H​u​a​w​e​i​ ​។​

​ឯកឧត្តម​រដ្ឋលេខាធិការ​ ​បាន​មានប្រសាសន៍ថា​“ ​បច្ចេកវិទ្យា​5​G​ ​គឺជា​ហេ​ដ្ឋា​រចនា​ស​ម្ព័ន្ធ​ឌី​ជី​ថល​ដ៏​សំខាន់​ក្នុង​ការ​កសាង​បណ្តាញ​តភ្ជាប់​ដ៏​ពេញលេញ​និង​វៃ​ឆ្លាត​នៅ​ក្នុង​ប្រទេស​កម្ពុជា​ ​ហើយ​រាជរដ្ឋាភិបាល​កម្ពុជា​បាន​ប្តេជ្ញា​ជំរុញ​ឱ្យ​មាន​ផែនទី​បង្ហាញ​ផ្លូវ​នៃ​ការរៀបចំ​ប្រព័ន្ធ​ 5​G​ (5​G​ ​road​map​) ​និង​ចាប់ផ្តើម​ដាក់​ឱ្យ​ប្រើប្រាស់​ជា​ផ្លូវការ​ក្នុង​ឆ្នាំ​ ​២​០​២​០​នេះ​ ​។​ ​នៅ​ប៉ុន្មាន​ខែ​ខាងមុខនេះ​ ​ក្រសួងប្រៃសណីយ៍និងទូរគមនាគមន៍​ (​M​P​T​C )​នឹង​ធ្វើការ​លើ​ការរៀបចំ​ផែនទី​បង្ហាញ​ផ្លូវ​សម្រាប់​បច្ចេកវិទ្យា​ 5​G​ (5​G​ ​road​map​) ​និង​ប្តេជ្ញា​ជំរុញ​ការ​អភិវឌ្ឍ​ប្រព័ន្ធ​ 5​G​ ​នៅ​ឆ្នាំ​ ​២​០​២​០​ ​សម្រាប់​ប្រទេស​កម្ពុជា​ ​។​ ​ការ​អភិវឌ្ឍ​យ៉ាង​ឆាប់រហ័ស​និង​ភាព​ចាស់ទុំ​នៃ​ខ្សែ​សង្វាក់​ឧស្សាហកម្ម​ 5​G​ ​នឹង​មិន​ត្រឹមតែ​ជំរុញ​ការផ្លាស់ប្តូរ​និង​ការ​ធ្វើ​ឱ្យ​ឧស្សាហកម្ម​បែប​ប្រពៃណី​មាន​ភាព​ប្រសើរ​ឡើង​ប៉ុណ្ណោះ​ទេ​ ​ថែមទាំង​ចូលរួម​បង្កើត​មុខ​ជំនួញ​ថ្មីៗ​ជាច្រើន​ទៀត​ផង​ដែរ​។​ ​បច្ចេកវិទ្យា​ 5​G​ ​បាន​ក្លាយ​ជា​កំលាំង​ថាមពល​ថ្មី​មួយទៀត​ ​ដែល​អាច​អោយ​យើង​អាច​ទាញ​យក​នូវ​បដិវត្តន៍​ឧស្សាហកម្ម​ជំនាន់​ទី​៤​ ​ដែល​ជា​កត្តា​ជ​ម្រុ​ញ​មួយ​ក្នុង​ការ​សម្រេច​ចក្ខុវិស័យ​២​០​៥​០​ ​ដែល​បាន​ដាក់​ចេញ​ដោយ​សម្តេច​អគ្គមហាសេនា​ប​តីតេជោ ​ហ៊ុន​ ​សែន​ ​នាយករដ្ឋមន្ត្រី​ ​នៃ​ព្រះរាជាណាចក្រកម្ពុជា​ ​ក្នុង​ការ​ប្រែក្លាយ​ព្រះរាជាណាចក្រកម្ពុជា​ ​ទៅជា​ប្រទេស​មាន​ចំណូល​ខ្ពស់​”​។​

​បន្ទាប់ពី​ពិធី​បិទ​បាន​បញ្ចប់​ ​ឯកឧត្តម​រដ្ឋលេខាធិការ​ ​និង​គណៈប្រតិភូ​បាន​អញ្ជើញ​ទស្សនកិច្ច​មជ្ឈមណ្ឌល​ពិព័រណ៍​R&​D​ (​Executive​ ​Brief​in​g​ ​Center​) ​នៃ​ក្រុមហ៊ុន​ ​H​u​a​w​e​i​ ​នៅ​ទីក្រុង​ប៉េកាំង​។​ ​ក្រុមហ៊ុន​ ​H​u​a​w​e​i​ ​បាន​បង្ហាញ​នូវ​ផលិតផល​និង​ដំណោះស្រាយ​ចុងក្រោយ​នៃ​ ​ប្រព័ន្ធ​ 5​G​ ​និង​បទ​បង្ហាញ​ស្តី​អំពី​បទពិសោធន៍​នៃ​បច្ចេកវិទ្យា​5​G​ ​សម្រាប់​ទី​ផ្សារ​ពិភពលោក​។​ ​នៅ​ពេល​ទស្សនកិច្ច​នោះ​ ​គណ​:​ប្រតិភូ​កម្ពុជា​បាន​ស្វែងយល់​ពី​ការប្រើប្រាស់​បច្ចេកវិទ្យា​5​G​ ​នៅ​ក្នុង​វិ​ស​័​យ​ផ្សេងៗ​ ​ដូចជា​ ​ទីក្រុង​ឆ្លាតវៃ​ ​ការអប់រំ​ឆ្លាតវៃ​ ​សុខាភិបាល​ឆ្លាតវៃ​ ​សន្តិសុខ​សណ្តាប់ធ្នាប់​ ​និង​ វិ​ស​័​យ​ផ្សេងៗ​ទៀត​ ​ដែល​បច្ចេកវិទ្យា​នេះ​ ​នឹង​ជួយ​ដល់​ការ​បង្កើន​ប្រសិទ្ធ​ភាព​ការងារ​ ​និង​គុណភាព​នៃ​ជីវិត​ ​នា​ពេល​អនាគត​៕



​ឯកឧត្តម​​ អេ ​សុភា​ អនុរដ្ឋលេខាធិការក្រសួងប្រៃសណីយ៍និងទូរគមនាគមន៍ បានអញ្ជើញ​ជា​អធិបតី​ក្នុង​កិច្ចប្រជុំ​ស្តីពី​ការរៀបចំ​នីតិវិធី​ ​ការ​វាស់​ស្ទង់​ក​ម្រិ​ត​អក្ខរកម្ម​បច្ចេកវិទ្យា​គមនាគមន៍​ ​និង​ព័ត៌មាន​ ​របស់​មន្ត្រី​រាជការ​ក្រសួងប្រៃសណីយ៍និងទូរគមនាគមន៍​​

​​ឯកឧត្តម​​ អេ ​សុភា​ អនុរដ្ឋលេខាធិការក្រសួងប្រៃសណីយ៍និងទូរគមនាគមន៍ បានអញ្ជើញ​ជា​អធិបតី​ក្នុង​កិច្ចប្រជុំ​ស្តីពី​ការរៀបចំ​នីតិវិធី​ ​ការ​វាស់​ស្ទង់​ក​ម្រិ​ត​អក្ខរកម្ម​បច្ចេកវិទ្យា​គមនាគមន៍​ ​និង​ព័ត៌មាន​ ​របស់​មន្ត្រី​រាជការ​ក្រសួងប្រៃសណីយ៍និងទូរគមនាគមន៍​

ឯកឧត្តម​រដ្ឋលេខាធិការ​ ​សុខ​ ​ពុទ្ធិ​វុ​ធ​ ​បាន​អញ្ជើញ​ដឹកនាំ​កិច្ចប្រជុំ​ពិភាក្សា​លើ​សេចក្តីព្រាង​ផែនទី​បង្ហាញ​ផ្លូវ​បច្ចេកវិទ្យា​ទូរគមនាគមន៍​ជំនាន់​ទី​៥​(5​G​)​

​ឯកឧត្តម​រដ្ឋលេខាធិការ​ ​សុខ​ ​ពុទ្ធិ​វុ​ធ​ ​បាន​អញ្ជើញ​ដឹកនាំ​កិច្ចប្រជុំ​ពិភាក្សា​លើ​សេចក្តីព្រាង​ផែនទី​បង្ហាញ​ផ្លូវ​បច្ចេកវិទ្យា​ទូរគមនាគមន៍​ជំនាន់​ទី​៥​(5​G​)

​ក្រសួងប្រៃសណីយ៍និងទូរគមនាគមន៍​ ​បាន​រៀបចំ​សិក្ខាសាលា​ស្តីពី​ ​ដំណោះស្រាយ​នៃ​ភាព​ស្មុគ​ស្មាញ​នៃ​សន្តិសុខ​បច្ចេកវិទ្យា​គមនាគមន៍​និង​ព័ត៌មាន​ ​នៅ​ក្នុង​យុគ​សម័យ​នៃ​ការ​តភ្ជាប់​​

​​ក្រសួងប្រៃសណីយ៍និងទូរគមនាគមន៍​ ​បាន​រៀបចំ​សិក្ខាសាលា​ស្តីពី​ ​ដំណោះស្រាយ​នៃ​ភាព​ស្មុគ​ស្មាញ​នៃ​សន្តិសុខ​បច្ចេកវិទ្យា​គមនាគមន៍​និង​ព័ត៌មាន​ ​នៅ​ក្នុង​យុគ​សម័យ​នៃ​ការ​តភ្ជាប់​

​ឯកឧត្ដម​អនុរដ្ឋលេខាធិការ​ អេ ​សុភា​ ​អញ្ជើញ​ដឹកនាំ​កិច្ចប្រជុំ​ពិភាក្សា​ ​និង​ពិនិត្យ​វាយ​តម្លៃ​ស្នើសុំ​តាំង​ស៊ប់​ជូន​មន្ត្រី​កម្មសិក្សា​ឆ្នាំ​២​០​១​៨​

​​ឯកឧត្ដម​អនុរដ្ឋលេខាធិការ​ អេ ​សុភា​ ​អញ្ជើញ​ដឹកនាំ​កិច្ចប្រជុំ​ពិភាក្សា​ ​និង​ពិនិត្យ​វាយ​តម្លៃ​ស្នើសុំ​តាំង​ស៊ប់​ជូន​មន្ត្រី​កម្មសិក្សា​ឆ្នាំ​២​០​១​៨

​ឯកឧត្តម​រដ្ឋលេខាធិការ​ ខា​យ​ ​ឃុន​ហេង​ ​អញ្ជើញ​ដឹកនាំ​កិច្ចប្រជុំ​ពិភាក្សា​ការងារ​គណៈកម្មការ​ចង​ស​ម្ព័ន្ធ​មេត្រីភាព​ជាមួយ​កងពលតូច​ថ្មើរជើង​លេខ​៤​១​​

​​ឯកឧត្តម​រដ្ឋលេខាធិការ​ ខា​យ​ ​ឃុន​ហេង​ ​អញ្ជើញ​ដឹកនាំ​កិច្ចប្រជុំ​ពិភាក្សា​ការងារ​គណៈកម្មការ​ចង​ស​ម្ព័ន្ធ​មេត្រីភាព​ជាមួយ​កងពលតូច​ថ្មើរជើង​លេខ​៤​១​

Semtararath | ថ្ងៃ ពុធ ទី ០៨ ខែ មករា ឆ្នាំ ២០២០

ចំនួនអ្នកអាន 1168

បណ្ណាល័យព័ត៌មាន
អំពីមន្ទីរខេត្តកោះកុង

ថ្ងៃ សុក្រ ទី ១០ ខែ កក្កដា ឆ្នាំ ២០១៥

អំពីមន្ទីរខេត្តបន្ទាយមានជ័យ

ថ្ងៃ សុក្រ ទី ១០ ខែ កក្កដា ឆ្នាំ ២០១៥

អំពីមន្ទីរខេត្តកណ្តាល

ថ្ងៃ សុក្រ ទី ១០ ខែ កក្កដា ឆ្នាំ ២០១៥

អំពីមន្ទីរខេត្តកំពង់ធំ 

ថ្ងៃ សុក្រ ទី ១០ ខែ កក្កដា ឆ្នាំ ២០១៥

អំពីមន្ទីរខេត្តឧត្តរមានជ័យ

ថ្ងៃ សុក្រ ទី ១០ ខែ កក្កដា ឆ្នាំ ២០១៥