​ឯកឧត្តម​រដ្ឋលេខាធិការ​ ​ឯក​ ​វណ្ណ​ឌី​ ​អញ្ជើញ​ដឹកនាំ​ប្រតិភូ​ក្រសួង​ចូលរួម​មហាសន្និបាត​វិសាមញ្ញ​សហភាព​ប្រៃសណីយ៍​សក​លលើក​ទី​៣​ (​UP​U ​Third​ ​Extraordinary​ ​Congress​) ​នៅ​ទីក្រុង​ហ្សឺណែវ​ ​ប្រទេស​ស្វីស​

 

(​ហ្សឺណែវ​ ​ប្រទេស​ស្វីស​)​៖​ ​នា​ថ្ងៃ​ព្រហស្បតិ៍​ ​១​៣​រោច​ ​ខែ​ភទ្របទ​ ​ឆ្នាំ​កុរ​ ​ឯកស័ក​ ​ព​.​ស​.​២​៥​៦​៣​ ​ត្រូវនឹង​ថ្ងៃ​ទី​២​៦​ខែកញ្ញា​ ​ឆ្នាំ​២​០​១​៩​ ​ឯកឧត្តម​រដ្ឋលេខាធិការ​ ​ឯក​ ​វណ្ណ​ឌី​ ​តំណាង​ដ៏​ខ្ពង់ខ្ពស់​ ​ឯកឧត្តម​ ​ត្រាំ​ អុី​វ​តឹក​ ​រដ្ឋមន្ត្រី​ក្រសួង​ប្រៃសណីយ៍​ ​និង​ទូរគមនាគមន៍​ ​បាន​អញ្ជើញ​ដឹកនាំ​ប្រតិភូ​ក្រសួងប្រៃសណីយ៍និងទូរគមនាគមន៍​ចូលរួម​មហាសន្និបាត​វិសាមញ្ញ​សហភាព​ប្រៃសណីយ៍​សក​លលើក​ទី​៣​ (​UP​U ​Third​ ​Extraordinary​ ​Congress​) ​ដែល​ប្រព្រឹត្តទៅ​ចាប់ពី​ថ្ងៃ​ទី​ ​២​៤​-​២​៦​ ​ខែកញ្ញា​ ​ឆ្នាំ​២​០​១​៩​ ​នៅ​ទីក្រុង​ហ្សឺណែវ​ ​ប្រទេស​ស្វីស​។​

​សហភាព​ប្រៃសណីយ៍​សកល​ (​UP​U-​Universal Postal Union​) ​ជា​ភ្នាក់ងារ​ឯកទេស​របស់​អង្គការសហប្រជាជាតិ​ ​មាន​ទីស្នាក់ការ​កណ្តាល​នៅ​រដ្ឋធានី​ប៊​ន​(​Be​rn​e​) ​ប្រទេស​ស្វីស​។​ ​ហើយ​វេទិកា​សហភាព​ប្រៃសណីយ៍​សកល​ (​UP​U) ​ដើរ​តួនាទី​យ៉ាងសំខាន់​សម្រាប់​កិច្ច​សហប្រតិបត្តិការ​ក្នុង​វិ​ស​័​យ​ប្រៃសណីយ៍​។​ ​អង្គការ​អន្តរជាតិ​ដ៏​ចំណាស់​មួយ​នេះ​ត្រូវ​បាន​បង្កើត​ឡើង​ក្នុង​ឆ្នាំ​១​៨​៧​៤​ ​ដែល​រហូតមកដល់​ពេល​បច្ចុប្បន្ននេះ​មាន​សមាជិក​ចំនួន​១​៩​២​ ​ប្រទេស​។​ ​លើស​ពី​នេះ​ក្រោម​ការ​សម្របសម្រួល​របស់​សហភាព​ប្រៃសណីយ៍​សកល​ (​UP​U) ​រដ្ឋ​សមាជិក​ភាគច្រើន​លើសលុប​បាន​សម្រេច​បោះឆ្នោត​តាម​បណ្តាញ​ប្រៃសណីយ៍​គាំទ្រ​ឱ្យ​មាន​មហាសន្និបាត​វិសាមញ្ញ​សហភាព​ប្រៃសណីយ៍​សក​លលើក​ទី​៣​ ​ដែល​បាន​ប្រព្រឹត្តទៅ​នៅ​ទីក្រុង​ហ្សឺណែវ​ ​ប្រទេស​ស្វីស​ពី​ថ្ងៃ​ទី​២​៤​-​២​៦​ ​ខែកញ្ញា​ ​ឆ្នាំ​២​០​១​៩​ ​ដោយមាន​ប្រតិភូ​តំណាង​រដ្ឋ​សមាជិក​ចំនួន​១​៣​៥​ ​ប្រទេស​ចូលរួម​ ​ដើម្បី​ពិនិត្យ​ ​និង​ពិចារណា​កែ​សម្រួល​ប្រព័ន្ធ​ទូទាត់​ថ្លៃ​ចែកចាយ​បញ្ញើ​ឱ្យ​ដល់​គោលដៅ​ (​Terminal​ ​Dues​) ​ដែល​មាន​ចែង​នៅ​ក្នុង​អនុសញ្ញា​ស្តីពី​ប្រៃសណីយ៍​សកល​ (​T​h​e​ ​Universal​ ​Postal​ ​Convention​) ​ដែល​ប្រទេស​មួយ​ចំនួន​បាន​សម្តែង​ក្តី​កង្វល់​ចំពោះ​ការ​បំពេញ​ខាត​និង​ការ​បំផ្លាញ​ទី​ផ្សារ​ ​ដោយ​ប្រព័ន្ធ​ទូទាត់​ថ្លៃ​ចែកចាយ​បញ្ញើ​ឱ្យ​ដល់​គោលដៅ​ (​Terminal​ ​Dues​) ​ដែល​កំពុង​អនុវត្ត​សព្វថ្ងៃ​។

​របៀបវារៈ​សំខាន់​ៗ​សម្រាប់​អង្គ​មហាសន្និបាត​វិសាមញ្ញ​លើក​ទី​៣​នេះ​ ​គឺ​ពិនិត្យ​និង​អនុម័ត​ជ្រើសរើស​យក​ជម្រើស​ណាមួយ​ក្នុងចំណោម​សំណើ​ចំនួន​បី​ផ្សេងគ្នា​ដែល​ក្រុម​ប្រទេស​មា​ជិ​ក​មួយ​ចំនួន​បាន​ស្នើ​ឡើង​ ​រួម​មាន​៖​

​ជម្រើស​ (​A​). ​ពន្លឿន​ការផ្លាស់ប្តូរ​ ​អត្រា​ថ្លៃ​ចែកចាយ​បញ្ញើ​ឱ្យ​ដល់​គោលដៅ​ (​Terminal​ ​Dues​ ​Rate​)​នៃ​ប្រព័ន្ធ​ទូទាត់​បច្ចុប្បន្ន​

​ជម្រើស​ (B). ​អនុញ្ញាត​ឱ្យ​រដ្ឋ​សមាជិក​អនុវត្ត​នូវ​របប​ស្វ័យ​ប្រកាស​ (​Self​ ​Declare​) ​អត្រា​ថ្លៃ​ចែកចាយ​បញ្ញើ​ឱ្យ​ដល់​គោលដៅ​ (​Terminal​ ​Dues​ ​Rate​)

​ជម្រើស​(C). ​ដាក់បញ្ចូល​រវាង​ជម្រើស​ទាំងពីរ​ខាងលើ​ (​ជម្រើស​A​ ​និង​ជម្រើស​B) ​ពោល​គឺ​ ​កែ​សម្រួល​អត្រា​ថ្លៃ​ចែកចាយ​បញ្ញើ​ឱ្យ​ដល់​គោលដៅ​និង​អនុញ្ញាត​ឱ្យ​រដ្ឋ​សមាជិក​អាច​អនុវត្ត​របប​ស្វ័យ​ប្រកាស​ (​Self​ ​Declare​) ​ចំពោះ​អត្រា​ថ្លៃ​ចែកចាយ​បញ្ញើ​ឱ្យ​ដល់​គោលដៅ​ (​Terminal​ ​Dues​ ​Rate​)​បាន​។​

​បន្ទាប់ពី​បាន​ពិភាក្សា​យ៉ាង​ល្អិតល្អន់​ ​និង​តស៊ូ​មតិ​យ៉ាង​ស្វិតស្វាញ​ទៅតាម​របៀបវារៈ​នីមួយៗ​ដោយ​តម្កល់​នូវ​ស្មារតី​ធានា​នូវ​និរន្តរភាព​ដល់​ភ្នាក់ងារ​អន្តររដ្ឋាភិបាល​ ​ក្រោម​ឆ​័​ត្រ​អង្គការសហប្រជាជាតិ​ដ៏​ចំណាស់​មួយ​នេះ​ ​អង្គ​មហាសន្និបាត​វិសាមញ្ញ​ ​បាន​ព្យាយាម​សម្របសម្រួល​រវាង​ក្រុម​ប្រទេស​សមាជិក​ដែល​មាន​ជំហរ​ផ្សេងគ្នា​ចំពោះ​ការ​កែ​ទម្រង់​ប្រព័ន្ធ​ទូទាត់​ថ្លៃ​ចែកចាយ​បញ្ញើ​ឱ្យ​ដល់​គោលដៅ​ (​Terminal​ ​Dues​) ​រហូត​ឈាន​ទៅដល់​ការ​ឯកភាព​ ​អនុម័ត​ជម្រើស​រួម​ថ្មី​មួយ​ ​ហៅថា​ជម្រើស​ ​V​ (​V​: ​Victory​ ​ជ័យជំនះ​) ​ដែល​រដ្ឋ​សមាជិក​ភាគច្រើន​អាច​ទទួលយក​បាន​។​

​តាមរយៈ​ការ​អនុម័ត​នូវ​ជម្រើស​ ​V​ ​នេះ​ ​ចាំបាច់​ត្រូវធ្វើ​វិសោធនកម្ម​មាត្រា​ខ្លះ​នៃ​អនុសញ្ញា​ប្រៃសណីយ៍​សកល​។​ ​ក្នុង​នោះ​ ​សេចក្តី​សម្រេច​សំខាន់​ៗ​ចំនួន​បួន​ពាក់ព័ន្ធ​នឹង​ប្រព័ន្ធ​ទូទាត់​ថ្លៃ​ចែកចាយ​បញ្ញើ​ឱ្យ​ដល់​គោលដៅ​(​Terminal​ ​Dues​) ​រួម​មាន​៖​ ​ទី​(​១​).​បទ​ប្បញ្ញត្តិ​ទូទៅ​, (​២​).​ស្វ័យ​ប្រកាស​ (​Self​ ​Declare​ o​f​ ​t​h​e​ ​Rates​) ​អត្រា​ថ្លៃ​ចែកចាយ​បញ្ញើ​ឱ្យ​ដល់​គោលដៅ​ចំពោះ​សំណុំ​បញ្ញើ​ (​bulky​ ​letter​ ) ​និង​កញ្ចប់​តូច​ (​small​ ​p​a​k​e​t​)​ក្នុង​ក្របខ័ណ្ឌ​បញ្ញើ​ប្រៃសណីយ៍​ដែល​ជា​ប្រភេទ​ទំនិញ​ ​E​-​commerce​, (​៣​).​បទ​ប្បញ្ញត្តិ​ស្តីពី​លំ​ហូរ​បញ្ញើ​ប្រៃសណីយ៍​ទៅវិញទៅមក​ដោយ​ផ្ទាល់​រវាង​ប្រតិបត្តិ​ករ​ប្រៃសណីយ៍​ជាតិ​ (​DO​: ​Designate​d​ ​Operator​ )​នៃ​ប្រទេស​សមាជិក​ ​និង​ (​៤​). ​បទ​ប្បញ្ញត្តិ​ស្តីពី​លំ​ហូរ​បញ្ញើ​ប្រៃសណីយ៍​ទៅវិញទៅមក​រវាង​ប្រតិបត្តិ​ករ​ប្រៃសណីយ៍​ជាតិ​នៃ​ប្រទេស​សមាជិក​ ​ដោយ​ឆ្លងកាត់​ប្រទេស​ផ្សេង​។​

​បន្ថែម​ពី​នេះ​ទៀត​ ​ការ​ធ្វើ​វិសោធនកម្ម​ ​និង​ការ​កែ​សម្រួល​បទ​ប្បញ្ញត្តិ​គតិយុត្ត​មួយ​ចំនួន​ខាងលើ​នឹង​ត្រូវ​ផ្សព្វផ្សាយ​អនុវត្ត​ទៅតាម​ក្របខ័ណ្ឌ​ពេលវេលា​ជាក់លាក់​ជាបន្តបន្ទាប់​ចាប់ពី​ថ្ងៃ​ទី​០​១​ ​ខែ​កក្កដា​ ​ឆ្នាំ​២​០​២​០​ ​តទៅ​៕



​ឯកឧត្តម​​ អេ ​សុភា​ អនុរដ្ឋលេខាធិការក្រសួងប្រៃសណីយ៍និងទូរគមនាគមន៍ បានអញ្ជើញ​ជា​អធិបតី​ក្នុង​កិច្ចប្រជុំ​ស្តីពី​ការរៀបចំ​នីតិវិធី​ ​ការ​វាស់​ស្ទង់​ក​ម្រិ​ត​អក្ខរកម្ម​បច្ចេកវិទ្យា​គមនាគមន៍​ ​និង​ព័ត៌មាន​ ​របស់​មន្ត្រី​រាជការ​ក្រសួងប្រៃសណីយ៍និងទូរគមនាគមន៍​​

​​ឯកឧត្តម​​ អេ ​សុភា​ អនុរដ្ឋលេខាធិការក្រសួងប្រៃសណីយ៍និងទូរគមនាគមន៍ បានអញ្ជើញ​ជា​អធិបតី​ក្នុង​កិច្ចប្រជុំ​ស្តីពី​ការរៀបចំ​នីតិវិធី​ ​ការ​វាស់​ស្ទង់​ក​ម្រិ​ត​អក្ខរកម្ម​បច្ចេកវិទ្យា​គមនាគមន៍​ ​និង​ព័ត៌មាន​ ​របស់​មន្ត្រី​រាជការ​ក្រសួងប្រៃសណីយ៍និងទូរគមនាគមន៍​

ឯកឧត្តម​រដ្ឋលេខាធិការ​ ​សុខ​ ​ពុទ្ធិ​វុ​ធ​ ​បាន​អញ្ជើញ​ដឹកនាំ​កិច្ចប្រជុំ​ពិភាក្សា​លើ​សេចក្តីព្រាង​ផែនទី​បង្ហាញ​ផ្លូវ​បច្ចេកវិទ្យា​ទូរគមនាគមន៍​ជំនាន់​ទី​៥​(5​G​)​

​ឯកឧត្តម​រដ្ឋលេខាធិការ​ ​សុខ​ ​ពុទ្ធិ​វុ​ធ​ ​បាន​អញ្ជើញ​ដឹកនាំ​កិច្ចប្រជុំ​ពិភាក្សា​លើ​សេចក្តីព្រាង​ផែនទី​បង្ហាញ​ផ្លូវ​បច្ចេកវិទ្យា​ទូរគមនាគមន៍​ជំនាន់​ទី​៥​(5​G​)

​ក្រសួងប្រៃសណីយ៍និងទូរគមនាគមន៍​ ​បាន​រៀបចំ​សិក្ខាសាលា​ស្តីពី​ ​ដំណោះស្រាយ​នៃ​ភាព​ស្មុគ​ស្មាញ​នៃ​សន្តិសុខ​បច្ចេកវិទ្យា​គមនាគមន៍​និង​ព័ត៌មាន​ ​នៅ​ក្នុង​យុគ​សម័យ​នៃ​ការ​តភ្ជាប់​​

​​ក្រសួងប្រៃសណីយ៍និងទូរគមនាគមន៍​ ​បាន​រៀបចំ​សិក្ខាសាលា​ស្តីពី​ ​ដំណោះស្រាយ​នៃ​ភាព​ស្មុគ​ស្មាញ​នៃ​សន្តិសុខ​បច្ចេកវិទ្យា​គមនាគមន៍​និង​ព័ត៌មាន​ ​នៅ​ក្នុង​យុគ​សម័យ​នៃ​ការ​តភ្ជាប់​

​ឯកឧត្ដម​អនុរដ្ឋលេខាធិការ​ អេ ​សុភា​ ​អញ្ជើញ​ដឹកនាំ​កិច្ចប្រជុំ​ពិភាក្សា​ ​និង​ពិនិត្យ​វាយ​តម្លៃ​ស្នើសុំ​តាំង​ស៊ប់​ជូន​មន្ត្រី​កម្មសិក្សា​ឆ្នាំ​២​០​១​៨​

​​ឯកឧត្ដម​អនុរដ្ឋលេខាធិការ​ អេ ​សុភា​ ​អញ្ជើញ​ដឹកនាំ​កិច្ចប្រជុំ​ពិភាក្សា​ ​និង​ពិនិត្យ​វាយ​តម្លៃ​ស្នើសុំ​តាំង​ស៊ប់​ជូន​មន្ត្រី​កម្មសិក្សា​ឆ្នាំ​២​០​១​៨

​ឯកឧត្តម​រដ្ឋលេខាធិការ​ ខា​យ​ ​ឃុន​ហេង​ ​អញ្ជើញ​ដឹកនាំ​កិច្ចប្រជុំ​ពិភាក្សា​ការងារ​គណៈកម្មការ​ចង​ស​ម្ព័ន្ធ​មេត្រីភាព​ជាមួយ​កងពលតូច​ថ្មើរជើង​លេខ​៤​១​​

​​ឯកឧត្តម​រដ្ឋលេខាធិការ​ ខា​យ​ ​ឃុន​ហេង​ ​អញ្ជើញ​ដឹកនាំ​កិច្ចប្រជុំ​ពិភាក្សា​ការងារ​គណៈកម្មការ​ចង​ស​ម្ព័ន្ធ​មេត្រីភាព​ជាមួយ​កងពលតូច​ថ្មើរជើង​លេខ​៤​១​

Semtararath | ថ្ងៃ សុក្រ ទី ២៧ ខែ កញ្ញា ឆ្នាំ ២០១៩

ចំនួនអ្នកអាន 895

បណ្ណាល័យព័ត៌មាន
អំពីមន្ទីរខេត្តកោះកុង

ថ្ងៃ សុក្រ ទី ១០ ខែ កក្កដា ឆ្នាំ ២០១៥

អំពីមន្ទីរខេត្តបន្ទាយមានជ័យ

ថ្ងៃ សុក្រ ទី ១០ ខែ កក្កដា ឆ្នាំ ២០១៥

អំពីមន្ទីរខេត្តកណ្តាល

ថ្ងៃ សុក្រ ទី ១០ ខែ កក្កដា ឆ្នាំ ២០១៥

អំពីមន្ទីរខេត្តកំពង់ធំ 

ថ្ងៃ សុក្រ ទី ១០ ខែ កក្កដា ឆ្នាំ ២០១៥

អំពីមន្ទីរខេត្តឧត្តរមានជ័យ

ថ្ងៃ សុក្រ ទី ១០ ខែ កក្កដា ឆ្នាំ ២០១៥