ក្រុមប្រឹក្សាភិបាល​ទូរគមនាគមន៍​កម្ពុជា​អាណត្តិ​ទី៤ត្រូវបាន​ប្រកាស​ចូលកាន់​តំណែង<br />  

នា​រសៀល​ថ្ងៃទី០១ ខែមេសា ឆ្នាំ២០១៤ នៅ​ទីស្នាក់ការ​ធំ​ទូរគមនាគមន៍​កម្ពុជា ឯកឧត្តម ប្រាក់ សុខុន រដ្ឋមន្ត្រីក្រសួង​ប្រៃសណីយ៍ និង​ទូរគមនាគមន៍ បាន​អញ្ជើញ​ជា​អធិបតីភាព​ក្នុង​ពិធី​ប្រកាស​តែងតាំង​ក្រុមប្រឹក្សាភិបាល​ទូរគមនាគមន៍​កម្ពុជា​អាណត្តិ​ទី៤ និង​សំណេះសំណាល​ជាមួយ​និយោជិត​ដែលមាន​វត្ត​មាននៅ​ទីនោះ។
 
ឯកឧត្តម ឡាយ ម៉ា​រី​វ៉ូ អគ្គនាយក​ទូរគមនាគមន៍​កម្ពុជា បានធ្វើ​របាយការណ៍​ស្តីពី​លទ្ធផល​ការងារ​របស់​ក្រុមប្រឹក្សាភិបាល​អាណត្តិ​ទី៣ និង​លទ្ធផល​ការងារ​ដែល​ទូរគមនាគមន៍​កម្ពុជា​សម្រេចបាន​ក្រោម​ការខិតខំ​ប្រឹងប្រែង​រួម​របស់​ថ្នាក់ដឹកនាំ ក្រុមប្រឹក្សាភិបាល អគ្គនាយក និង​និយោជិត​ទាំងអស់​ដែល​បាន​យក​អស់កម្លាំង​កាយ​ចិត្ត និង​ប្រាជ្ញា​ស្មារតី​ក្នុង​ការបន្ត​បំពេញ​តួនាទី និង​កាតព្វកិច្ច​ដើម្បី​បម្រើ​ផលប្រយោជន៍​រួម​របស់​សហគ្រាស​ប្រកបដោយ​ស្មារតី​ទទួលខុសត្រូវ​ខ្ពស់។
 
ឯកឧត្តម លីវ គឹម​ហេង អគ្គនាយក​រដ្ឋបាល​នៃ​ក្រសួង​ប្រៃសណីយ៍​និង​ទូរគមនាគមន៍ បាន​អាន​អនុក្រឹត្យ​របស់​រាជរដ្ឋាភិបាល​លេខ៣៥១ អនក្រ.ត​ត ចុះ​ថ្ងៃទី០៣ ខែមីនា ឆ្នាំ២០១៤ ស្តីពី​ការតែងតាំង​ក្រុមប្រឹក្សាភិបាល​ទូរគមនាគមន៍​កម្ពុជា ដែលមាន​ឯកឧត្តម មាស ប៉ូ អនុរដ្ឋលេខាធិការ​ក្រសួង​ប្រៃសណីយ៍​និង​ទូរគមនាគមន៍ ជា​ប្រធាន, ឯកឧត្តម ជា វុ​ធណា តំណាង​ក្រសួង​សេដ្ឋកិច្ច​និង​ហិរញ្ញវត្ថុ ជា​សមាជិក, ឯកឧត្តម កឹម រ័ត្ន​វិសិដ្ឋ តំណាង​ទីស្តីការគណៈរដ្ឋមន្ត្រី ជា​សមាជិក, លោក ហាក់ រ័ត្ន តំណាង​ក្រសួងមហាផ្ទៃ ជា​សមាជិក, ឯកឧត្តម​ឡាយ ម៉ា​រី​វ៉ូ អគ្គនាយក​ទូរគមនាគមន៍​កម្ពុជា ជា​សមាជិក, តំណាង​និយោជិត​ទូរគមនាគមន៍​កម្ពុជា ជា​សមាជិក, ឯកឧត្តម​ងួន ម៉េង​តិច តំណាង​សភាពាណិជ្ជកម្ម ជា​សមាជិក។ ក្នុងនោះ​ក៏មាន​អនុក្រឹត្យ​មួយ​ផ្សេងទៀត លេខ ៣២១ អនក្រ. ត​ត ចុះ​ថ្ងៃទី២៤ ខែមីនា ឆ្នាំ២០១៤ ស្តីពី​ការតែងតាំង​លោកស្រី  ង៉ែត ម៉ូ​វី​ឡែ​ន បច្ចុប្បន្ន​ជា​ប្រធាន​នាយកដ្ឋាន​សវនកម្ម​ផ្ទៃក្នុង​មូលដ្ឋាន​នៃ​អគ្គនាយកដ្ឋាន​សវនកម្ម​ផ្ទៃក្នុង​ក្រសួង​សេដ្ឋកិច្ច​និង​ហិរញ្ញវត្ថុ ជា​មន្ត្រី​ត្រួតពិនិត្យ​រដ្ឋ​អម​ទូរគមនាគមន៍​កម្ពុជា​សម្រាប់​អាណត្តិ​ទី៤រយៈពេល០៣ឆ្នាំ ជំនួស​លោក​សុក វុ​ធ ដែល​បានបញ្ចប់​អាណត្តិ។
 
ឯកឧត្តម មាស ប៉ូ ប្រធាន​ក្រុមប្រឹក្សាភិបាល​បាន​កោតសរសើរ​ចំពោះ​និយោជិត​ទូរគមនាគមន៍​កម្ពុជា​ទាំងអស់​ដែល​បាន​ខិតខំ​បំពេញការងារ​ប្រកបដោយ​ថាមភាព​ដើម្បី​ចូលរួម​ក្នុងការ​អភិវឌ្ឍន៍​ទូរគមនាគមន៍​កម្ពុជា ប្រកបដោយ​មោទនភាព និង​ផ្លែផ្កា​គួរ​ឲ្យ​កត់សម្គាល់។ ឯកឧត្តម​បាន​ប្តេជ្ញាចិត្ត​ថា នឹង​រួមគ្នា​ជាមួយ​និយោជិត​គ្រប់លំដាប់​ថ្នាក់​ធ្វើ​ឲ្យ​ទូរគមនាគមន៍​កម្ពុជា​ឈរ​នៅលើ​ទីផ្សារ​ទូរគមនាគមន៍​មួយ​ដែលមាន​ការប្រកួតប្រជែង​ខ្ពស់ និង​អភិវឌ្ឍ​បច្ចេកវិទ្យាទំនើបៗបន្ថែមទៀត​ដើម្បី​បម្រើ​សេចក្តីត្រូវការ​របស់​អតិថិជន​ដែលជា​អ្នកប្រើប្រាស់។
 
ឯកឧត្តម ប្រាក់ សុខុន មានប្រសាសន៍ថា រាជរដ្ឋាភិបាល​កម្ពុជា ក្រោម​ការដឹកនាំ​ប្រកបដោយ​គតិបណ្ឌិត​រប​ស់ស​ម្តេច​អគ្គមហាសេនាបតី តេ​ជោ ហ៊ុន សែន  នាយករដ្ឋមន្ត្រី​នៃ​ព្រះរាជាណាចក្រ​កម្ពុជា បាននិងកំពុង​យកចិត្តទុកដាក់​ខ្ពស់​ទៅលើ​វិស័យ​បច្ចេកវិទ្យា​ព័ត៌មាន និង​គមនាគមន៍​ដែលជា​វិស័យ​អាទិភាព និង​ជា​ឆ្អឹងខ្នង​សម្រាប់​ទ្រទ្រង់​ការអភិវឌ្ឍន៍​សេដ្ឋកិច្ចជាតិ ព្រមទាំង​ការអភិវឌ្ឍន៍​វិស័យ​ដទៃទៀត។ ក្នុងន័យនេះ សហគ្រាស​សាធារណៈ​ទូរគមនាគមន៍​កម្ពុជា មិន​ត្រឹម​តែមាន​តួនាទី​ជា​អ្នកផ្តល់​សេវា​ជូន​អតិថិជន​ប៉ុណ្ណោះ​ទេ ប៉ុន្តែ​ថែមទាំង​មាន​តួនាទី​ជា​សេនាធិការ​ឲ្យ​ក្រសួង​ប្រៃសណីយ៍​និង​ទូរគមនាគមន៍​ក្នុងការ​ចូលរួម​អភិវឌ្ឍន៍​និង​ពង្រីក​បណ្តាញ​ឆ្អឹងខ្នង​ទូរគមនាគមន៍​ជាតិ​ឲ្យ​ដល់​តំបន់​ជនបទ។
 
ឯកឧត្តម​រដ្ឋមន្ត្រី​មានប្រសាសន៍​ទៀតថា ក្នុងឋានៈ​ជា​អ្នកផ្តល់​សេវា ដែល​នៅជាប់​នឹង​អតិថិជន ថ្នាក់ដឹកនាំ​និង​និយោជិត​ទូរគមនាគមន៍​កម្ពុជា ត្រូវ​ប្រកាន់ខ្ជាប់​នូវ​ជំហរ​ជា​អ្នកបម្រើ​អតិថិជន តាមរយៈ​ការធានា​ឲ្យ​បាន​នូវ​គុណភាព​នៃ​សេវា​គ្រប់​ប្រភេទ និង​ភាពរហ័សរហួន​ក្នុង​ការផ្តល់សេវា ជាពិសេស​ត្រូវ​ទប់ស្កាត់​ឲ្យ​បាន​ទាន់ពេលវេលា នូវ​រាល់​ទង្វើ​អសកម្ម​ទាំងឡាយ​ដែល​នាំ​ឲ្យ​ប៉ះពាល់​ដល់​អារម្មណ៍​អតិថិជន និង​កិត្តិយស​ព្រមទាំង​សេចក្តីថ្លៃថ្នូរ​របស់​ទូរ​គមនាគមន៍​កម្ពុជា។
 
ឯកឧត្តម​មានជំនឿថា ថ្នាក់ដឹកនាំ ក្រុមប្រឹក្សាភិបាល អគ្គនាយក និង​និយោជិត​ទាំងអស់​របស់​ទូរគមនាគមន៍​កម្ពុជា នឹងចូលរួម​យ៉ាង​ផុលផុស​ក្នុង​កិច្ចសហការ​ចែករម្លែក​នូវ​បទពិសោធន៍​ទៅវិញទៅមក សម្តៅ​រក​ឲ្យ​ឃើញ​នូវ​ចំណុចខ្លាំង និង​ចំណុចខ្សោយ ព្រមទាំង​បញ្ហា​ប្រឈម​នានា នៅក្នុង​ដំណើរការ​អាជីវកម្មរ​បស់​ខ្លួន ហើយ​និង​អាច​ស្វែង​រកឃើញ​នូវ​ដំណោះស្រាយ​ប្រកបដោយ​ប្រសិទ្ធភាព មាន​លក្ខណៈ​ស៊ីជម្រៅ និង​វិសាលភាព​កាន់តែ​ធំ​ទូលាយ​ដើម្បី​ធ្វើយ៉ាងណា​ពង្រឹង នូវ​គុណភាព​សេវា​ដែល​បានផ្តល់ និង​មាន​ទំនុកចិត្ត​ខ្ពស់​ពី​អតិថិជន​គ្រប់​ប្រភេទ៕
 


​ឯកឧត្តម​រដ្ឋលេខាធិការ​ ខា​យ​ ​ឃុន​ហេង​ ​អញ្ជើញ​ដឹកនាំ​កិច្ចប្រជុំ​ក្រុម​ការងារ​គណៈកម្មាធិការ​ប្រយុទ្ធ​នឹង​ជំងឺ​អេដស៍​ ​ក្រសួងប្រៃសណីយ៍និងទូរគមនាគមន៍​​

​​ឯកឧត្តម​រដ្ឋលេខាធិការ​ ខា​យ​ ​ឃុន​ហេង​ ​អញ្ជើញ​ដឹកនាំ​កិច្ចប្រជុំ​ក្រុម​ការងារ​គណៈកម្មាធិការ​ប្រយុទ្ធ​នឹង​ជំងឺ​អេដស៍​ ​ក្រសួងប្រៃសណីយ៍និងទូរគមនាគមន៍​

​កម្មវិធី​ប្រកួតប្រជែង​ផ្នែក​សន្តិសុខ​បច្ចេកវិទ្យា​គមនាគមន៍​ ​និង​ព័ត៌មាន​ ​២​០​១​៩​ (​Cam​bo​d​i​a​ C​y​be​r ​Contest​ 2019)​

​​កម្មវិធី​ប្រកួតប្រជែង​ផ្នែក​សន្តិសុខ​បច្ចេកវិទ្យា​គមនាគមន៍​ ​និង​ព័ត៌មាន​ ​២​០​១​៩​ (​Cam​bo​d​i​a​ C​y​be​r ​Contest​ 2019)

​ឯកឧត្តម​រដ្ឋលេខាធិការ​ ខា​យ​ ​ឃុន​ហេង​ ​អញ្ជើញ​ដឹកនាំ​កិច្ចប្រជុំ​ពិភាក្សា​ការងារ​គណៈកម្មការ​ចង​សម្ពន្ធមេត្រី​ភាពជា​មួយ​កងពលតូច​ថ្មើរជើង​លេខ​៤​១​​

​​ឯកឧត្តម​រដ្ឋលេខាធិការ​ ខា​យ​ ​ឃុន​ហេង​ ​អញ្ជើញ​ដឹកនាំ​កិច្ចប្រជុំ​ពិភាក្សា​ការងារ​គណៈកម្មការ​ចង​សម្ពន្ធមេត្រី​ភាពជា​មួយ​កងពលតូច​ថ្មើរជើង​លេខ​៤​១​

​ឯកឧត្តម​អនុរដ្ឋលេខាធិការ​ ខូ​វ​ ​មករា​ ​ដឹកនាំ​កិច្ចប្រជុំ​អន្តរ​ក្រសួង​ ​ដើម្បី​ត្រួតពិនិត្យ​លើ​កិច្ចប្រតិបត្តិ​ការ​មជ្ឈមណ្ឌល​គ្រប់គ្រង​ទិន្នន័យ​សេវា​ទូរគមនាគមន៍​ ​និង​ព័ត៌មាន​វិទ្យា​ (​D​M​C)​

​​ឯកឧត្តម​អនុរដ្ឋលេខាធិការ​ ខូ​វ​ ​មករា​ ​ដឹកនាំ​កិច្ចប្រជុំ​អន្តរ​ក្រសួង​ ​ដើម្បី​ត្រួតពិនិត្យ​លើ​កិច្ចប្រតិបត្តិ​ការ​មជ្ឈមណ្ឌល​គ្រប់គ្រង​ទិន្នន័យ​សេវា​ទូរគមនាគមន៍​ ​និង​ព័ត៌មាន​វិទ្យា​ (​D​M​C)

​ពិធី​បិទ​សិក្ខាសាលា​ពិភាក្សា​ស្តីពី​ “​ទម្រង់​វេ​ប​សាយ​រួម​ ​មាតិកា​ព័ត៌មាន​វេ​ប​សាយ​សាលា​រាជធានី​- ​ខេត្ត​ ​និង​បណ្តុះបណ្តាល​អំពី​របៀប​ប្រើប្រាស់​ប្រព័ន្ធ​វេ​ប​សាយ​ ​និង​អុី​ម៉ែ​ល​”​

​​ពិធី​បិទ​សិក្ខាសាលា​ពិភាក្សា​ស្តីពី​ “​ទម្រង់​វេ​ប​សាយ​រួម​ ​មាតិកា​ព័ត៌មាន​វេ​ប​សាយ​សាលា​រាជធានី​- ​ខេត្ត​ ​និង​បណ្តុះបណ្តាល​អំពី​របៀប​ប្រើប្រាស់​ប្រព័ន្ធ​វេ​ប​សាយ​ ​និង​អុី​ម៉ែ​ល​”

administrator | ថ្ងៃ ពុធ ទី ០៩ ខែ មេសា ឆ្នាំ ២០១៤

ចំនួនអ្នកអាន 4127

បណ្ណាល័យព័ត៌មាន
អំពីមន្ទីរខេត្តកោះកុង

ថ្ងៃ សុក្រ ទី ១០ ខែ កក្កដា ឆ្នាំ ២០១៥

អំពីមន្ទីរខេត្តកណ្តាល

ថ្ងៃ សុក្រ ទី ១០ ខែ កក្កដា ឆ្នាំ ២០១៥

អំពីមន្ទីរខេត្តកំពង់ធំ 

ថ្ងៃ សុក្រ ទី ១០ ខែ កក្កដា ឆ្នាំ ២០១៥

អំពីមន្ទីរខេត្តបន្ទាយមានជ័យ

ថ្ងៃ សុក្រ ទី ១០ ខែ កក្កដា ឆ្នាំ ២០១៥

អំពីមន្ទីរខេត្តឧត្តរមានជ័យ

ថ្ងៃ សុក្រ ទី ១០ ខែ កក្កដា ឆ្នាំ ២០១៥