ឯកឧត្ដម ត្រាំ អុីវតឹក ​អនុញ្ញាត​ឲ្យ​ប្រតិភូ​យុវជន​នៃ​សមាគម​នាវា​អាស៊ី​អាគ្នេយ៍​កម្ពុជា​ ចូល​ជួប​សម្តែង​​ការ​គួរ​សម​ និង​ពិភាក្សា​ការ​ងារ នៅ​ទីស្ដីការ​ក្រសួង​ប្រៃ​សណីយ៍​ ​និង​ទូរ​​គមនាគមន៍​​

រាជធានីភ្នំពេញ៖ រសៀលថ្ងៃទី២៤ ខែសីហា ឆ្នាំ២០១៧ នៅទីស្ដីការក្រសួង ឯកឧត្ដម ត្រាំ អុីវតឹក ​រដ្ឋ​មន្ត្រី​ក្រសួង​ប្រៃ​សណីយ៍ ​និង​ទូរ​​គមនាគមន៍​ បាន​អនុញ្ញាត​ឲ្យ​ប្រតិភូ​យុវជន​នៃ​សមាគម​នាវា​យុវជន​អាស៊ី​អាគ្នេយ៍​កម្ពុជា​ ចូល​ជួប​សម្តែង​ការ​គួរសម​ មុន​ចេញ​ដំណើរ​ចូល​រួម​កម្ម​វិធី​នាវា​យុវជន​អាស៊ី​អាគ្នេយ៍​ និង​ជប៉ុន​ (SSEAYP)​ លើក​ទី​៤៤​ ឆ្នាំ​២០១៧​។

ឯកឧត្ដម ត្រាំ អុីវតឹក ​រដ្ឋ​មន្ត្រី​ក្រសួង​ប្រៃ​សណីយ៍ ​និង​ទូរ​​គមនាគមន៍

ក្នុងឱកាសនោះ ឯកឧត្តមរដ្ឋមន្ត្រី បានសម្តែងនូវការស្វាគមន៍ដល់ប្រតិភូយុវជន​ និង​ផ្តល់​នូ​វ​អនុសាសន៍​ណែ​នាំ​ព្រម​ទាំង​ចែក​រំលែក​នូវ​បទ​ពិសោធន៍​មួយ​ចំនួន​ពាក់​ព័ន្ធ​នឹង​កិច្ច​ការងារ​ប្រជុំ​អាស៊ាន​នានា ​ក្រៅ​ពី​នោះ ឯកឧត្តម​រដ្ឋ​មន្ត្រី​បាន​ផ្តាំ​ផ្ញើ​ដល់​ប្រតិភូ​យុវជន​អោយ​​​​យក​ចិត្ត​ទុក​ដាក់​លើ​វប្បធម៌​ អរិយធម៌​ ទំនៀម​ទម្លាប់​នៃ​បណ្តា​ប្រទេស​អាស៊ាន​។​

ពាក់ព័ន្ធនឹងវិស័យប្រៃសណីយ៍ និងទូរគមនាគមន៍ ឯកឧត្តមរដ្ឋមន្ត្រី បានផ្តល់ព័ត៌មាន​អោយ​ប្រតិភូ​យុវជន​បាន​ដឹង​អំពី​សាវតា​ខ្លះៗ​របស់​ក្រសួង​ ការ​រីក​ចម្រើន​យ៉ាង​ឆាប់​រហ័សនៃវិស័យ​ប្រៃសណីយ៍​កម្ពុជា ​និង​​ភាព​ជឿន​លឿន​នៃ​វិស័យ​បច្ចេក​វិទ្យា​ទូរ​គមនាគមន៍​ និង​ព័ត៌​មាន​វិទ្យា​នៅ​​ប្រទេស​កម្ពុជា​ ជា​ពិសេស​មួយ​រយៈ​ពេល​ចុង​ក្រោយ​នេះក្រសួង​ក៏​បាន​ចូល​រួម​ដាក់​ឲ្យ​ដំណើរ​ការ​នូវ​បច្ចេក​វិទ្យា​ 4.5G​ ផងដែរ។

ជាទីបញ្ចប់ ឯកឧត្តមរដ្ឋមន្ត្រី បានជូនពរដល់ប្រតិភូយុវជននៃ​សមាគម​នាវា​យុវជន​អាស៊ី​អាគ្នេយ៍​កម្ពុជា​ និង​បាន​ផ្តែផ្តាំ​អោយ​ក្មួយៗ​ចេះ​ថែ​រក្សា​សុខភាព​ ព្រម​ទាំង​ខិត​ខំ​ប្រឹង​ប្រែង​ទទួល​យក​ចំណេះ​ដឹង​ និង​បទ​ពិសោធន៍​ថ្មីៗ​ ដើម្បី​កសាង​សមត្ថភាព​បន្ថែម​ទៀត​អោយ​សក្តិសម​ជា​យុវជន​តំណាង​ប្រទេស​ជាតិ​ និង​ជា​យុវជន​ឆ្នើម​របស់​កម្ពុជា​លើ​ឆាក​អន្តរជាតិ​៕










 

ឯកឧត្ដម ត្រាំ អុីវតឹក​ អញ្ជើញ​ដឹក​នាំ​គណៈ​ប្រតិភូ​​ក្រសួង​ទៅ​ចូល​រួម​វេទិកា​ស្តី​ពី​ “ITU​ Telecom​ World​ 2017​” ​នៅ​​ទី​ក្រុង​ប៊ូ​សាន​ សាធារណ​រដ្ឋ​កូរ៉េ​​

ឯកឧត្តម ត្រាំ អុីវតឹក​ដឹក​នាំ​ប្រតិភូ​​ចូល​រួម​សន្និសីទ​​ថ្នាក់​រដ្ឋ​មន្ត្រី​អាស៊ាន​ និង​ដៃ​គូ​សន្ទនា​សី្ត​ពី​សន្តិសុខ​បច្ចេក​វិទ្យា​ព័ត៌មាន​ ២០១៧​

​ឯកឧត្ដម​ ត្រាំ អុីវ​តឹក ដឹក​នាំ​គណៈ​ប្រតិភូ​ក្រសួង​ទៅ​ចូល​រួម​សន្និ​សីទ​ថ្នាក់​រដ្ឋ​មន្ត្រី​អា​ស៊ាន​ ស្ដី​ពី​ «សន្តិសុខ​បច្ចេក​វិទ្យា​គមនាគមន៍​និង​ព័ត៌មាន ​​និង​​កិច្ច​ប្រជុំ​ពាក់​ព័ន្ធ​»​

ឯកឧត្ដមរដ្ឋមន្ត្រី ត្រាំ អុីវតឹក អនុញ្ញាតឲ្យ​ក្រុម​ហ៊ុន​រ៉ូយ៉ាល់​គ្រុប​ ជួប​ពិភាក្សា​ និង​ធ្វើ​បទ​បង្ហាញ​ស្តី​ពីកា​រ​សិក្សា​គម្រោង​ និង​លទ្ធភាព​ក្នុង​ការ​បាញ់​បង្ហោះ​ផ្កាយ​រណប​របស់​កម្ពុជា​​

piseth | ថ្ងៃ ព្រហស្បតិ៍ ទី ២៤ ខែ សីហា ឆ្នាំ ២០១៧

ចំនួនអ្នកអាន 256

ទម្រង់ស្វែងរកព័ត៌មានងាយៗ
បណ្ណាល័យព័ត៌មាន
រចនាសម្ព័ន្ធក្រសួង​​​

ថ្ងៃ អង្គារ ទី ០៨ ខែ មេសា ឆ្នាំ ២០១៤

ទំព័ររដ្ឋមន្រ្តី​​​

ថ្ងៃ ពុធ ទី ០៥ ខែ កុម្ភៈ ឆ្នាំ ២០១៤

ថ្នាក់ដឹកនាំក្រសួង​​​

ថ្ងៃ សុក្រ ទី ២៨ ខែ កុម្ភៈ ឆ្នាំ ២០១៤

ព័ត៌មានសង្ខេបស្តីពីក្រសួង​​​

ថ្ងៃ ពុធ ទី ១២ ខែ មិនា ឆ្នាំ ២០១៤