ឯកឧត្តម ត្រាំ អីុតឹក អញ្ជើញ​បិទ​សន្និបាត​បូក​សរុប​លទ្ធផល​ការងារ​ឆ្នាំ​២០១៦​ និង​ទិស​ដៅ​ឆ្នាំ​២០១៧​ របស់​ក្រសួង​ប្រៃសណីយ៍​ និង​ទូរគមនាគមន៍​​

រាជធានីភ្នំពេញ៖ រសៀលថ្ងៃទី៤ ខែមេសា ឆ្នាំ២០១៧ នៅទីស្ដីការក្រសួង ឯកឧត្តម ត្រាំ អុីវតឹក រដ្ឋមន្ត្រីក្រសួងប្រៃសណីយ៍​ និង​ទូរគមនាគមន៍​ បាន​អញ្ជើញ​ជា​អធិបតី​ដ៏​ខ្ពង់​ខ្ពស់​ក្នុង​ពិធី​បិទ​សន្និបាត​បូក​សរុប​លទ្ធផល​ការងារ​ឆ្នាំ​២០១៦​ និង​ទិសដៅ​ការងា​រ​ឆ្នាំ​២០១៧​ របស់​ក្រសួង​ប្រៃ​សណីយ៍​ និង​​ទូរគមនាគមន៍​។

ថ្លែងក្នុងពិធីបិទអង្គសន្និបាតនេះ ឯកឧត្ដម​រដ្ឋមន្ត្រី បានមានប្រសាសន៍ថា អង្គសន្និបាតនាថ្ងៃនេះបានប្រព្រឹត្ត​ទៅ​យ៉ាង​សកម្ម​ បាន​ផ្លាស់​ប្តូរ​យោបល់​ បទ​ពិសោធន៍​ និង​ទទួល​បាន​លទ្ធផល​ល្អ​ប្រសើរ​ ក្នុ​ង​នោះ​ក្រសួង​បាន​សម្រេច​នូវ​លទ្ធផល​ការ​ងារ​សំខាន់​ៗ​ក្នុង​ឆ្នាំ​២០១៦​ និង​បាន​លើក​ទិសដៅ​កំណត់​អាទិភាព​ យុទ្ធ​សាស្ត្រ​សម្រាប់​ធានា​ការ​អភិវឌ្ឍ​វិស័យ​ប្រៃសណីយ៍​ ទូរគមនាគមន៍​ និង​បច្ចេក​វិទ្យា​គមនាគមន៍​ និង​ព័ត៌មាន​ (ICT)​ ឱ្យ​រីក​ចំរើន​ថែម​ទៀត​នៅ​ក្នុង​ឆ្នាំ​២០១៧​ និងបណ្តា​ឆ្នាំ​ខាង​មុខ​។

ឯកឧត្ដមរដ្ឋមន្ត្រី ក៏បានសម្តែងនូវការកោតសរសើរ និងវាយតម្លៃខ្ពស់ ចំពោះ ឯកឧត្តម លោកជំទាវ អស់លោក​ ​លោក​ស្រី​​ជា​ថ្នាក់​ដឹក​នាំ​អង្គភាព​ និង​មន្ទីរ​ប្រៃសណីយ៍​ និង​ទូរគមនាគមន៍​ គ្រប់​ខេត្ត ក្រុង​ ព្រម​ទាំង​មន្ត្រី​រាជ​ការ​ និយោជិត​ទាំង​អស់​របស់​ក្រសួង​ដែល​បាន​ខិត​ខំ​ប្រឹង​ប្រែង​ រួម​គ្នា​ក្នុង​ការ​បំពេញ​តួនាទី​ភារកិច្ច​ជួយ​ជំរុញ​ឱ្យ​ក្រសួង​សម្រេច​បាន​នូវ​សមិទ្ធផល​សំខាន់​ៗ​ជា​ច្រើន​គួរ​ឱ្យ​កត់​សម្គាល់​ផង​ដែរ​។

នៅ​ចុង​បញ្ចប់​នៃ​កម្ម​វិធី​ ឯកឧត្ដម​រដ្ឋមន្ត្រី​ បាន​អញ្ជើញ​បំពាក់​គ្រឿង​ឥស្សរិយ​យស​ជូន​ថ្នាក់​ដឹក​នាំ​ មន្រ្តី​រាជ​ការ​ ដែល​បាន​ចូល​រួម​ចំណែក​យ៉ាង​សកម្ម​បំពេញ​ភារ​កិច្ច​ជូន​ក្រសួង​ និង​រាជ​រដ្ឋាភិបាល​កម្ពុជា​ នា​ពេល​កន្ល​ង​មក៕​






































 

ឯកឧត្ដម​រដ្ឋ​មន្ត្រី​ ត្រាំ​ អុីវតឹក បាន​អនុញ្ញាត​ឱ្យ​ឯក​ឧត្ដម​ William ​A. Heidt ចូល​ជួប​សម្ដែង​ការ​គួរសម​ និង​ពិភាក្សា​ការងារ​​

ឯកឧត្ដមរដ្ឋ​មន្ត្រី​​ ត្រាំ​ អុីវតឹក​ បាន​អនុញ្ញាត​ឱ្យប្រតិភូ​ក្រុម​ហ៊ុន ​China​ Great​ Wall​ Industry ​Corporation​ (CGWIC)​ និងប្រតិភូ​ក្រុម​ហ៊ុន ​Royal​ Blue ​Skies ​ចូល​ជួប​សម្តែង​ការ​គួរសម​​ និង​ពិភាក្សា​ការងារ​

ឯកឧត្ដម​ ត្រាំ អុីវតឹក​ អញ្ជើញ​ដឹក​នាំ​កិច្ច​ប្រជុំ​ដើម្បី​ប្រកាស​ទទួល​ស្គាល់​សមាសភាព​នៃ​គណៈ​កម្មការ​នីតិកម្ម​រៀប​ចំគោល​នយោបាយ​អភិវឌ្ឍន៍​វិស័យ​បច្ចេក​វិទ្យាគមនាគមន៍ ​និង​ព័ត៌​មាន​​

ឯកឧត្ដមរដ្ឋ​មន្ត្រី​ ត្រាំ អុីវតឹកអញ្ជើញ​ជា​អធិបតី​​ក្នុង​កិច្ច​ប្រជុំ​ក្រុម​ការងារ​មូល​និ​ធិ​ដើម្បី​ពិនិត្យ​ និង​ពិភាក្សា​ការងារ​លើ​ការ​អនុម័ត​ទៅ​លើ​ផែន​ការ​សកម្មភាព​ឆ្នាំ​២០១៧​-​២០១៨​

administrator | ថ្ងៃ អង្គារ ទី ០៤ ខែ មេសា ឆ្នាំ ២០១៧

ចំនួនអ្នកអាន 2074

ទម្រង់ស្វែងរកព័ត៌មានងាយៗ
បណ្ណាល័យព័ត៌មាន
រចនាសម្ព័ន្ធក្រសួង​​​

ថ្ងៃ អង្គារ ទី ០៨ ខែ មេសា ឆ្នាំ ២០១៤

ទំព័ររដ្ឋមន្រ្តី​​​

ថ្ងៃ ពុធ ទី ០៥ ខែ កុម្ភៈ ឆ្នាំ ២០១៤

ថ្នាក់ដឹកនាំក្រសួង​​​

ថ្ងៃ សុក្រ ទី ២៨ ខែ កុម្ភៈ ឆ្នាំ ២០១៤

ព័ត៌មានសង្ខេបស្តីពីក្រសួង​​​

ថ្ងៃ ពុធ ទី ១២ ខែ មិនា ឆ្នាំ ២០១៤