ឯកឧត្ដម ត្រាំ​ អីុវតឹក​​ រដ្ឋមន្ត្រីក្រសួងប្រៃសណីយ៍ និងទូរគមនាគមន៍ បានអញ្ជើញចូលរួមក្នុងពិធីសម្ពោធដាក់ឲ្យប្រើប្រាស់ជាផ្លូវការប្រព័ន្ធខ្សែកាប្លិ៍ក្រោមបាតសមុទ្រ ម៉ាឡេស៊ី-កម្ពុជា-ថៃ (MCT) ​

រាជធានីភ្នំពេញ៖ ព្រឹកថ្ងៃទី១៥ ខែមីនា ឆ្នាំ២០១៧ ឯកឧត្ដម ត្រាំ​ អីុវតឹក​​ រដ្ឋមន្ត្រីក្រសួងប្រៃសណីយ៍ និងទូរគមនាគមន៍ បានអញ្ជើញចូលរួមក្នុងពិធីសម្ពោធដាក់ឲ្យប្រើប្រាស់ជាផ្លូវការប្រព័ន្ធខ្សែកាប្លិ៍ក្រោមបាតសមុទ្រ ម៉ាឡេស៊ី-កម្ពុជា-ថៃ (MCT) ក្រោមអធិបតីភាពរបស់ សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ តំណាងដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា។
 
ពិធីសម្ពោធដាក់ឲ្យប្រើប្រាស់ជាផ្លូវការប្រព័ន្ធខ្សែកាប្លិ៍ក្រោមបាតសមុទ្រ ម៉ាឡេស៊ី-កម្ពុជា-ថៃ (MCT) បានប្រព្រឹត្តទៅក្រោមអធិបតីភាពរបស់ សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ តំណាងដ៏ខ្ពង់ខ្ពស់របស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា ដោយមានការចូលរួមពី ឯកឧត្តម លោកជំទាវ អ្នកឧកញ៉ា លោក លោកស្រី ព្រមទាំងភ្ញៀវជាតិ និងអន្តរជាតិជាច្រើនរូបទៀត។
 

 
ថ្លែងគាំទ្រក្នុងឱកាសនោះ ឯកឧត្ដម ត្រាំ​ អីុវតឹក​​ រដ្ឋមន្ត្រីក្រសួងប្រៃសណីយ៍ និងទូរគមនាគមន៍ បានលើកឡើងថា ការស្ថាបនាខ្សែកាប្លិ៍ក្រោមបាតសមុទ្រគឺជាផ្នែកមួយនៃការអនុវត្តគោលនយោបាយអ៊ិនធឺណិតល្បឿនលឿន ដែលត្រូវបានកំណត់ក្នុងគោលនយោបាយអភិវឌ្ឍន៍វិស័យទូរគមនាគមន៍ បច្ចេកវិទ្យាគមនាគមន៍ និងព័ត៌មាន របស់កម្ពុជាសម្រាប់ឆ្នាំ២០២០ ដើម្បីរួមចំណែកដល់ការលើកកម្ពស់នវានុវត្តន៍ ការអភិវឌ្ឍន៍ធនធានមនុស្ស ការពង្រឹងភាពប្រកួតប្រជែង និងបង្កើនផលិតភាពសេដ្ឋកិច្ចកម្ពុជា ក៏ដូចជាបង្កើនការចូលរួមរបស់ប្រជាជនឲ្យកាន់តែទូលំទូលាយនៅក្នុងកិច្ចការអភិវឌ្ឍសេដ្ឋកិច្ច និងសង្គម។ ម្យ៉ាងវិញទៀត ការតភ្ជាប់បន្ថែមតាមបណ្ដាញខ្សែរកាប្លិ៍ក្រោមបាតសមុទ្រនឹងចូលរួមចំណែកក្នុងការពង្រឹងវិសាលភាពនៃហេដ្ឋារចនាសម្ព័ន្ធឆ្អឹងខ្នងតាមរយៈការវិនិយោគក្នុងការបន្តពង្រឹងសមត្ថភាពនៃការប្រើប្រាស់អ៊ិនធឺណិតល្បឿនលឿន និងការលើកទឹកចិត្តឲ្យប្រើប្រាស់ហេដ្ឋារចនាសម្ព័ន្ធរួមឲ្យបានដល់តំបន់ដែលមានសក្កានុពលខាងសេដ្ឋកិច្ច និងទេសចរណ៍ ក៏ដូចជាតំបន់ដាច់ស្រយាលដែលគ្មាន ឬមានសេវាទូរគមនាគមន៍មិនគ្រប់គ្រាន់។ ឯកឧត្ដមរដ្ឋមន្ត្រី បានបន្តទៀតថា ថ្ងៃនេះយើងបានដាក់សម្ពោធនៅការតភ្ជាប់ខ្សែកាប្លិ៍ក្រោមបាតសមុទ្រម៉ាឡេស៊ី-កម្ពុជា-ថៃ ត្រូវបានស្ថាបនាឡើងប្រវែង ១៣០០ គីឡូម៉ែត្រ និងតភ្ជាប់ប្រទេសម៉ាឡេស៊ី កម្ពុជា និងថៃ ដែលអនុញ្ញាតឱ្យមានការពង្រីកសមត្ថភាពនៃលំហូរទិន្ន័យដ៏ធំទូលាយ និងល្បឿនលឿន។ ដោយហេតុថា នាពេលបច្ចុប្បន្ន កម្ពុជាមានហេដ្ឋារចនាសម្ព័ន្ធ និងបណ្តាញខ្សែកាប្លិ៍អុបទិកលើគោកប្រមាណ ៣០ ០០០ គីឡូម៉ែត្រ ដែលត្រូវបានពង្រីកជាបន្តបន្ទាប់ និងតភ្ជាប់រាជធានីភ្នំពេញទៅគ្រប់ខេត្ត-ក្រុង និងស្រុកទាំងអស់នៅកម្ពុជា។ នៅឆ្នាំ២០១៨ ខាងមុខនេះ យើងនឹងជំរុញបន្ថែមទៀតលើការពង្រីកហេដ្ឋារចនាសម្ព័ន្ធនេះអោយដល់គ្រប់ឃុំទាំងអស់នៅកម្ពុជា តាមរយៈការវិនិយោគបន្ថែមរបស់ប្រតិបត្តករឯកជន និងការដាក់ឱ្យអនុវត្តកម្មវិធីកាតព្វកិច្ចសេវាសកលចាប់ពីឆ្នាំ២០១៧ នេះតទៅ។
 

ឯកឧត្ដម ត្រាំ​ អីុវតឹក​​ រដ្ឋមន្ត្រីក្រសួងប្រៃសណីយ៍ និងទូរគមនាគមន៍
 
សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្ត្រីក្រសួងមហាផ្ទៃ បានថ្លែងការកោតសរសើរ និងអបអរសាទរដល់ក្រុមហ៊ុន តែលកូថេក-ក្រុមហ៊ុន Symphony Communication នៃប្រទេសថៃ និងក្រុមហ៊ុន Telekom Malaysia ប្រទេសម៉ាឡេស៊ី និងស្ថាប័ននានាដែលបានចូលរួមចំណែកក្នុងគម្រោងនេះ និងមានប្រសាសន៍ថា សម្តេច ទន្ទឹងរង់ចាំសាកល្បងបទពិសោធន៍នៃអ៊ិនធឺណិតល្បឿនលឿនថ្មីនេះ និងសង្ឈឹមថាប្រជាពលរដ្ឋកម្ពុជានឹងរីករាយជាមួយគាត់ដែរ ក្រោយទទួលបានអ៊ិនធឺណិតកាន់តែលឿន តំលៃកាន់តែសមរម្យ និងសុវត្ថិភាពកាន់តែខ្ពស់។
 

សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្ត្រីក្រសួងមហាផ្ទៃ
 
សម្តេចក្រឡាហោម បានមានប្រសាសន៍ថា ថ្ងៃនេះកម្ពុជាសម្រេចបានសមិទ្ធផលជាប្រវត្តិសាស្រ្តមួយក្នុងវិស័យបច្ចេកវិទ្យាគមនាគមន៍ និងព័ត៌មានរបស់យើង។ ខ្ញុំមានមោទនភាពឥតឧបមាចំពោះក្រុមហ៊ុនពាក់ព័ន្ធទាំងអស់ដែលបានខិតខំប្រឹងប្រែងអស់ពីកម្លាំងកាយចិត្តជាច្រើនឆ្នាំ ក្នុងការអនុវត្តគម្រោងនេះអោយបានជោគជ័យ។ ខ្សែកាប្លិ៍ក្រោមបាតសមុទ្រ ម៉ាឡេស៊ី-កម្ពុជា-ថៃ នឹងផ្តល់អោយកម្ពុជានូវបណ្តាញអ៊ិនធឺណិតកាន់តែរហ័ស គួរទុកចិត្តបានកាន់តែខ្ពស់ តម្លៃកាន់តែសមរម្យ និងសំខាន់បំផុតសុវត្ថិភាពកាន់តែខ្ពស់។ ភាពជោគជ័យថ្ងៃនេះ គឺជាការឆ្លុះបញ្ជាំងយ៉ាងច្បាស់នូវស្ថិរភាព និងវឌ្ឍនភាពដែលកម្ពុជាកំពុងទទួលបាន។ ខ្ញុំមានសុទិដ្ឋិនិយមថា ខ្សែកាប្លិ៍ក្រោមបាតសមុទ្រម៉ាឡេស៊ី-កម្ពុជា-ថៃ នឹងចូលរួមចំណែកជំរុញការអភិវឌ្ឍន៍សេដ្ឋកិច្ចកម្ពុជា អោយឈានឡើងមួយកម្រិតទៀត និងលើកស្ទួយមុខមាត់របស់ប្រទេសយើងក្នុងតំបន់អាស៊ាន និងនៅសាកលលោក៕





 
 












 

ឯកឧត្ដម ត្រាំ អីុវតឹក បាន​អញ្ជើញ​ដឹកនាំកិច្ច​ប្រជុំ​ពិនិត្យ​ និង​សម្រេច​លើ​សំណើ​ថ្មី​នៃ​ការ​កំណត់​ប្លង់​លេខ​ទូរស័ព្ទ​ នៅទីស្តី​ក្រសួង​ប្រៃ​សណីយ៍ ​និង​ទូរ​គមនាគមន៍​

ឯកឧត្ដម ត្រាំ អីុវតឹក អនុញ្ញាត​ឲ្យ​អគ្គ​នាយក​របស់​​ក្រុម​ហ៊ុន​ ZTE​ ចូល​ជួប​សម្តែង​ការ​គួរ​សម​ និង​ពិភាក្សា​ការ​ងារ​ នៅទីស្ដីការក្រសួង​ប្រៃ​សណីយ៍​​ និង​ទូរ​គមនាគមន៍​​

ឯកឧត្តម ត្រាំ អុីវតឹក បាន​​អញ្ជើញ​​ក្នុង​​ពិធី​ប្រគល់​ពាន​រង្វាន់​បច្ចេក​វិទ្យា​គមនាគមន៍​ ​និង​ព័ត៌​មាន​កម្ពុជា​ឆ្នាំ​២០១៧​ នៅទីស្ដីការ​ក្រសួង​ប្រៃ​សណីយ៍​ និង​ទូរ​គមនាគមន៍​

ឯកឧត្តម ត្រាំ អីុវតឹក អញ្ជើញ​​ជា​​អធិបតី​​ក្នុង​សិក្ខា​សា​លា​ស្តីពី “ផល​ប៉ះ​ពាល់​នៃ​គ្រឿង​ញៀន​ទៅ​លើ​ការ​រាល​ដាល​មេរោគ​អេដស៍​នៅ​កម្ពុជា​”​ ទីស្តីការ​ក្រសួង​ប្រៃ​សណីយ៍​

piseth | ថ្ងៃ ពុធ ទី ១៥ ខែ មិនា ឆ្នាំ ២០១៧

ចំនួនអ្នកអាន 1266

ទម្រង់ស្វែងរកព័ត៌មានងាយៗ
បណ្ណាល័យព័ត៌មាន
រចនាសម្ព័ន្ធក្រសួង​​​

ថ្ងៃ អង្គារ ទី ០៨ ខែ មេសា ឆ្នាំ ២០១៤

ទំព័ររដ្ឋមន្រ្តី​​​

ថ្ងៃ ពុធ ទី ០៥ ខែ កុម្ភៈ ឆ្នាំ ២០១៤

ព័ត៌មានសង្ខេបស្តីពីក្រសួង​​​

ថ្ងៃ ពុធ ទី ១២ ខែ មិនា ឆ្នាំ ២០១៤

ថ្នាក់ដឹកនាំក្រសួង​​​

ថ្ងៃ សុក្រ ទី ២៨ ខែ កុម្ភៈ ឆ្នាំ ២០១៤