ឯកឧត្ដម ត្រាំ អីុវតឹក រដ្ឋមន្ត្រី​ក្រសួង​ប្រៃសណីយ៍ និង​ទូរគមនាគមន៍ អញ្ជើញ​ជា​អធិបតី​ក្នុង​ពិធី​អបអរ​សាទរ​ទិវា​អន្តរជាតិ​នារី ៨ មីនា ខួប​លើក​ទី ១០៦ ឆ្នាំ​២០១៧​

នារសៀលថ្ងៃទី០៧ ខែមីនា ឆ្នាំ២០១៧ នៅទីស្ដីការក្រសួង ឯកឧត្ដម ត្រាំ អីុវតឹក រដ្ឋមន្ត្រីក្រសួងប្រៃសណីយ៍ និងទូរគមនាគមន៍ បានអញ្ជើញជាអធិបតីក្នុងពិធីអបអរសាទរទិវាអន្តរជាតិនារី ៨ មីនា ខួបលើកទី ១០៦ ឆ្នាំ២០១៧ ក្រោមប្រធានបទ “ស្ត្រីដើម្បីសុខសន្តិភាពនិងវឌ្ឍនភាព” ដោយមានការអញ្ជើញចូលរួមពីសំណាក់លោកជំទាវ ហ៊ូ សាមិត្ត រដ្ឋលេខាធិការក្រសួងកិច្ចការនារី ព្រមទាំង ឯកឧត្ដម លោកជំទាវ ជារដ្ឋលេខាធិការ អនុរដ្ឋលេខាធិការ ថ្នាក់ដឹកនាំក្រសួង និងមន្ត្រីរាជការ និយោជិតនារីទាំងអស់ក្រោមឱវាទក្រសួងប្រៃសណីយ៍ និងទូរគមនាគមន៍ និយ័តករទូរគមនាគមន៍កម្ពុជា ទូរគមនាគមន៍កម្ពុជា ប្រៃសណីយ៍កម្ពុជា តំណាងក្រុមហ៊ុនទូរស័ព្ទចល័ត និងក្រុមហ៊ុនបម្រើសេវាប្រៃសណីយ៍ ព្រមទាំងភ្ញៀវជាតិនិងអន្តរជាតិ។



ក្រសួងប្រៃសណីយ៍ និងទូរគមនាគមន៍ តែងតែប្រារព្វពិធីអបអរសាទរទិវានារីអន្តរជាតិ ៨មីនា ជាទិវាប្រវត្តិសាស្ត្ររបស់នារីទូទាំងសកលលោកជារៀងរាល់ឆ្នាំ។ ដោយឡែកឆ្នាំនេះ ជាលើកទី១ ក្រសួងប្រៃសណីយ៍ និងទូរគមនាគមន៍ បានរៀបចំវេទិកាពិភាក្សា (សំណួរ-ចម្លើយ) លើប្រធានបទមួយគឺ “ជម្រុញការកសាងសមត្ថភាព និងការចូលរួមរបស់ស្ត្រីស្របតាមការរីកចម្រើននៃវិស័យទូរគមនាគមន៍-បច្ចេកវិទ្យាគមនាគមន៍ និងព័ត៌មាន” ដោយមានការចូលរួមមតិយោបល់យ៉ាងផុលផុសពីវាគ្មិនរបស់ក្រសួងដើម្បីចូលរួមអបអរសាទរទិវាជាប្រវត្តិសាស្ត្រនេះផងដែរ។



មានប្រសាសន៍នាឱកាសនោះ ឯកឧត្ដមរដ្ឋមន្ត្រី ត្រាំ អីុវតឹក រដ្ឋមន្ត្រីក្រសួងប្រៃសណីយ៍ និងទូរគមនាគមន៍ បានមានមតិស្វាគមន៍ និងកោតសរសើរចំពោះការខិតខំប្រឹងប្រែងរបស់មន្ត្រីរាជការ និងនិយោជិកគ្រប់លំដាប់ថ្នាក់ដែលបានគាំទ្រនូវរាល់សកម្មភាពលើកកម្ពស់ស្ថានភាពស្រ្តី ដោយមិនមានការរើសអើង និងសូមឲ្យថ្នាក់ដឹកនាំគ្រប់លំដាប់ថ្នាក់ដែលជាបុរសបន្តការគាំទ្រ និងជម្រុញការបង្កើនសមត្ថភាពរបស់មន្ត្រី និយោជិកជាស្ត្រីក្នុងក្រសួងប្រៃសណីយ៍ និងទូរគមនាគមន៍ ឱ្យទទួលបានតួនាទីធ្វើសេចក្ដីសម្រេច ព្រមទាំងមានសិទ្ធិក្នុងការចូលរួមគ្រប់គ្រងភារៈកិច្ចអភិវឌ្ឍន៍ប្រទេសជាតិ និងសូមឱ្យស្ត្រីខិតខំបង្កើនសមត្ថភាពខ្លួនឯង ទាំងផ្នែកបច្ចេកទេស និងភាសា បន្ថែមទៀត។
ជាមួយគ្នានេះ ក្រសួងក៏មានជាកាដូជូនមន្ត្រីរាជការជានារី ព្រមទាំងបានរៀបចំកម្មវិធីចាប់រង្វាន់ ដើម្បីបង្កើនភាពសប្បាយរីករាយ និងបង្កើនភាពជិតស្និតជូនបងប្អូនមន្រ្តីរាជការផងដែរ៕








 

​កិច្ច​ប្រជុំ​ស្ដី​ពី​ «សេដ្ឋ​កិច្ច​ឌី​ជី​ថល​ (Digital ​Economy) »​

សិក្ខាសាលា “កិច្ច​ពិគ្រោះ​យោបល់​ទៅ​លើ​សេចក្តី​ព្រាង​អនុ​ក្រឹត្យ​ស្តី​អំពី​ហត្ថ​លេខា​ឌី​ជី​ថល”​​

​កិច្ច​ប្រជុំ​ផ្សព្វ​ផ្សាយស្តី​ពី​ «ការ​អភិវឌ្ឍ​កុមារ​២០១៦​~​២០១៨​ និង​ការ​បង្កើត​ក្រុម​ការងារ​ដើម្បី​កុមារ​» ​​

​សិក្ខា​សាលា​ស្តីពី​ “លទ្ធ​កម្ម​សាធារណៈ​ ការ​រៀប​ចំ​ថវិកា​ ការ​គ្រប់​គ្រង​ទ្រព្យ​សម្បត្តិ​រដ្ឋ​ ចំណាត់​ថ្នាក់​សេដ្ឋ​កិច្ច​នៃ​មាតិកា​ថវិកា​ និង​កិច្ច​បញ្ជិ​ការជ្ជ​ទេយ្យ​បុរេ​ប្រទាន​”​​

administrator | ថ្ងៃ ពុធ ទី ០៨ ខែ មិនា ឆ្នាំ ២០១៧

ចំនួនអ្នកអាន 993

ទម្រង់ស្វែងរកព័ត៌មានងាយៗ
បណ្ណាល័យព័ត៌មាន
រចនាសម្ព័ន្ធក្រសួង​​​

ថ្ងៃ អង្គារ ទី ០៨ ខែ មេសា ឆ្នាំ ២០១៤

ទំព័ររដ្ឋមន្រ្តី​​​

ថ្ងៃ ពុធ ទី ០៥ ខែ កុម្ភៈ ឆ្នាំ ២០១៤

ថ្នាក់ដឹកនាំក្រសួង​​​

ថ្ងៃ សុក្រ ទី ២៨ ខែ កុម្ភៈ ឆ្នាំ ២០១៤

ព័ត៌មានសង្ខេបស្តីពីក្រសួង​​​

ថ្ងៃ ពុធ ទី ១២ ខែ មិនា ឆ្នាំ ២០១៤