ឯកឧត្ដម ត្រាំ អីុវតឹក រដ្ឋមន្ត្រីក្រសួងប្រៃសណីយ៍ និងទូរគមនាគមន៍ បានអញ្ជើញជាអធិបតីក្នុងពិធីប្រកាសតែងតាំងអគ្គនាយក និងក្រុមប្រឹក្សាភិបាល នៃទូរគមនាគមន៍កម្ពុជា អាណត្តិទី៥ នៅព្រឹកថ្ងៃទី០៧ ខែមីនា ឆ្នាំ២០១៧​

ភ្នំពេញៈ នាព្រឹក ថ្ងៃទី០៧ ខែមីនា ឆ្នាំ២០១៧ នៅសាលប្រជុំទូរគមនាគមន៍កម្ពុជា មានការប្រារព្ធពិធីប្រកាសតែងតាំងអគ្គនាយក និងក្រុមប្រឹក្សាភិបាល នៃទូរគមនាគមន៍កម្ពុជា អាណតិ្តទី៥  ក្រោមអធិបតីភាពរបស់ ឯកឧត្ដម ត្រាំ អីុវតឹក រដ្ឋមន្ត្រីក្រសួងប្រៃសណីយ៍ និងទូរគមនាគមន៍ ដោយមានការអញ្ជើញចូលរួមពីសំណាក់ថ្នាក់ដឹកនាំក្រសួងប្រៃសណីយ៍ និងទូរគមនាគមន៍ ថ្នាក់ដឹកនាំទូរគមនាគមន៍កម្ពុជា និងតំណាងនៃបណ្ដាក្រសួងស្ថាប័នពាក់ព័ន្ធ។
 

ឯកឧត្ដម ត្រាំ អុីវតឹក រដ្ឋមន្ត្រីក្រសួងប្រៃសណីយ៍ និងទូរគមនាគមន៍

ការប្រកាសតែងតាំងអគ្គនាយក និងក្រុមប្រឹក្សាភិបាល នៃទូរគមនាគមន៍កម្ពុជា អាណត្តិទី៥នេះ មានដូចតទៅ៖
  • ​​ឯកឧត្ដម សន វី  តែងតាំងជាប្រតិភូរាជរដ្ឋាភិបាលកម្ពុជា ទទួលបន្ទុកជាអគ្គនាយក នៃទូរគមនាគមន៍កម្ពុជា មានឋានៈស្មើ រដ្ឋលេខាធិការ សំរាប់អាណត្តិទី៥។
  • តែងតាំងក្រុមប្រឹក្សាភិបាលទូរគមនាគមន៍កម្ពុជា សម្រាប់អាណត្តិទី៥ ដែលមានសមាសភាពដូចខាងក្រោម៖
  • ឯកឧត្ដម ខូវ មករា      ​ តំណាងក្រសួងប្រៃសណីយ៍ និងទូរគមនាគមន៍       ប្រធាន
  • ឯកឧត្ដម កឹមរ័ត្ន វិសិដ្ឋ  តំណាងទីស្ដីការគណៈរដ្ឋមន្ត្រី                               សមាជិក
  • ឯកឧត្ដម ជា វុធណា      តំណាងក្រសួងសេដ្ឋកិច្ច និងហិរញ្ញវត្ថុ                   សមាជិក
  • ឯកឧត្តម សន វី           អគ្គនាយកនៃទូរគមនាគមន៍កម្ពុជា                   សមាជិក
  • តំណាងនិយោជិត          ទូរគមនាគមន៍កម្ពុជា ០១រូប                             សមាជិក
 

ឯកឧត្ដម ខូវ មករា       តំណាងក្រសួងប្រៃសណីយ៍ និងទូរគមនាគមន៍ (រូបខាងស្តាំ)

ទន្ទឹមនឹងនេះ ឯកឧត្ដមរដ្ឋមន្ត្រី បានមានប្រសាសន៍សង្ឃឹមយ៉ាងមុតមាំថា ឯកឧត្ដម លោក លោកស្រី ជាថ្នាក់ដឹកនាំក្រុមប្រឹក្សាភិបាល អគ្គនាយក និងនិយោជិតទាំងអស់នៃទូរគមនាគមន៍ នឹងចូលរួមយ៉ាងផុលផុស ក្នុងកិច្ចសហការ និងការចែករំលែកនូវបទពិសោធន៍ទៅវិញទៅមកសំដៅរកឲ្យឃើញនូវចំណុចខ្លាំង និងឱកាសអភិវឌ្ឍ ព្រមទាំងបញ្ហាប្រឈមនានានៅក្នុងដំណើរការអាជីវកម្មរបស់ខ្លួន ហើយនឹងអាចស្វែងរកឃើញនូវដំណោះស្រាយប្រកបដោយប្រសិទ្ធភាពមានលក្ខណៈស៊ីជម្រៅ និងវិសាលភាពកាន់តែធំទូលាយ ដើម្បីធ្វើយ៉ាងណាពង្រឹងនូវគុណភាពសេវាដែលបានផ្ដល់ ដើម្បីទទួលបាននូវទំនុកចិត្តខ្ពស់ពីអតិថិជនគ្រប់ប្រភេទ៕

ខាង​ក្រោម​នេះ ជា​រូប​ភាពការប្រកាសតែងតាំងអគ្គនាយក និងក្រុមប្រឹក្សាភិបាល នៃទូរគមនាគមន៍កម្ពុជា អាណត្តិទី៥​៖
















 
 


 

ឯកឧត្តមរដ្ឋលេខាធិការ​ ឯក វណ្ណឌី ​ដឹកនាំ​ប្រតិភូកម្ពុជាធ្វើ​ទស្សនកិច្ច​សិក្សា​នៅ​ប្រទេសថៃ ​ដើម្បី​ស្វែង​យល់​ពី​គោល​នយោបាយ​ និង​បទ​ពិសោធន៍​ក្នុង​ការ​អភិវឌ្ឍ​វិស័យ​ប្រៃសណីយ៍​​

ពិធី​ជួប​សំណោះ​សំណាល​សួរ​សុខ​ទុក្ខនាយ​ទាហាន​ នាយ​ទាហាន​រង​ និង​ពលទាហាន​កង​ពល​ តូច​ថ្មើរ​ជើង​លេខ​៤១​​

វេទិកាស្តីពី​សហគ្រាសធុន​តូច​និងមធ្យម​ និងក្រុមហ៊ុន​ចាប់​ផ្តើម​ធុរកិច្ច​ថ្មី​លើ​វិស័យ​បច្ចេកវិទ្យា​គមនាគមន៍ និង​ព័ត៌មាន ​(ICT) ​ជាលើកទី​២​​

​វគ្គបណ្តុះ​បណ្តាល​ស្ដីពី ​“ការតម្រង់ទិស ​និងពង្រឹង​សមត្ថភាព​មន្ត្រី​ក្រប​ខណ្ឌថ្មី​ ឆ្នាំ២០១៧”​​

piseth | ថ្ងៃ អង្គារ ទី ០៧ ខែ មិនា ឆ្នាំ ២០១៧

ចំនួនអ្នកអាន 1029

ទម្រង់ស្វែងរកព័ត៌មានងាយៗ
បណ្ណាល័យព័ត៌មាន
រចនាសម្ព័ន្ធក្រសួង​​​

ថ្ងៃ អង្គារ ទី ០៨ ខែ មេសា ឆ្នាំ ២០១៤

ទំព័ររដ្ឋមន្រ្តី​​​

ថ្ងៃ ពុធ ទី ០៥ ខែ កុម្ភៈ ឆ្នាំ ២០១៤

ថ្នាក់ដឹកនាំក្រសួង​​​

ថ្ងៃ សុក្រ ទី ២៨ ខែ កុម្ភៈ ឆ្នាំ ២០១៤

ព័ត៌មានសង្ខេបស្តីពីក្រសួង​​​

ថ្ងៃ ពុធ ទី ១២ ខែ មិនា ឆ្នាំ ២០១៤