ឯកឧត្ដម កាន ច័ន្ទមេត្តា អញ្ជើញជាអធិបតីក្នុងពិធីបើកកម្មវិធីពានរង្វាន់បច្ចេកវិទ្យាគមនាគមន៍ និងព័ត៌មានកម្ពុជា ឆ្នាំ២០១៧​

ព្រឹកថ្ងៃទី១៥ ខែកុម្ភៈ ឆ្នាំ២០១៧ នៅទីស្ដីការក្រសួងប្រៃសណីយ៍ និងទូរគមនាគមន៍ ឯកឧត្ដម កាន ច័ន្ទមេត្តា រដ្ឋលេខាធិការក្រសួងប្រៃសណីយ៍ និងទូរគមនាគមន៍ អញ្ជើញជាអធិបតីក្នុងពិធីបើកកម្មវិធីពានរង្វាន់បច្ចេកវិទ្យាគមនាគមន៍ និងព័ត៌មានកម្ពុជា ឆ្នាំ២០១៧ (Cambodia ICT Awards 2017) និងមានការអញ្ជើញចូលរួមពីសំណាក់ថ្នាក់ដឹកនាំ-មន្ត្រីរាជការក្រសួងប្រៃសណីយ៍ និងទូរគមនាគមន៍ ព្រមទាំងអ្នកជំនាញខ្ពង់ផ្នែក ICT មកពីបណ្ដាក្រសួង-ស្ថាប័ន និងក្រុមហ៊ុនជាច្រើនផងដែរ។
វិទ្យាស្ថានជាតិប្រៃសណីយ៍ ទូរគមនាគមន៍ និង បច្ចេកវិទ្យាគមនាគមន៍និងព័ត៌មាន សហការជាមួយក្រសួងប្រៃសណីយ៍ និងទូរគមនាគមន៍ បាននឹងកំពុងរៀបចំកម្មពានរង្វាន់ ICT កម្ពុជា លើកទី៣ ដែលជាកម្មវិធីប្រកួតប្រជែងដ៏ធំមួយដើម្បីបង្ហាញនូវសមិទ្ធិផលជោគជ័យនានា លើការធ្វើនវានុវត្តន៍ក្នុងវិស័យបច្ចេកវិទ្យាគមនាគមន៍និងព័ត៌មាននៅព្រះរាជាណាចក្រកម្ពុជា។ បេក្ខជនអាចដាក់ពាក្យចូលរួមប្រកួតប្រជែងមកពី ក្រុមហ៊ុនឯកជនក្នុងស្រុក ក្រុមហ៊ុនប្រភេទ Start-up សង្គមស៊ីវិល អង្គការក្រៅរដ្ឋាភិបាល ឬស្ថាប័នរដ្ឋពាក់ព័ន្ធផ្សេងមុនថ្ងៃទី១៥ ខែឧសភា ឆ្នាំ២០១៧។ 
កម្មវិធីនេះនឹងផ្តល់នូវអត្ថប្រយោជន៍ដូចជា៖ ១- លើកកម្ពស់ការយល់ដឹង និងជម្រុញការប្រើប្រាស់បច្ចេកវិទ្យាគមនាគមន៍ និងព័ត៌មាន ក្នុងស្រទាប់សាធារណជនឲ្យកាន់តែទូលំទូលាយ ២- ជួយកាត់បន្ថយគម្លាតឌីជីថលនៅក្នុងសហគមនជំនួញ និងប្រជាជនដែលរស់នៅតាមបណ្តាខេត្ត និងរាជធានី ៣- ផ្តល់ឱកាស និងលើកទឹកចិត្តក្នុងការធ្វើនវានុវត្តន៍ ការសិក្សាស្រាវ​ជ្រាវ និងការបង្កើតគំនិតច្នៃប្រឌិតថ្មីៗនៅក្នុងវិស័យបច្ចេកវិទ្យាគមនាគមន៍ និងព័ត៌មាន ៤- រួមចំណែកជម្រុញការអភិវឌ្ឍវិ​ស័យបច្ចេកវិទ្យាគមនាគមន៍ និងព័ត៌មាន នៅព្រះរាជាណាចក្រកម្ពុជា។ កម្មវិធីនេះក៏នឹងផ្តល់ឱកាសផ្ទាល់ដល់ជ័យលាភីក៏ដូច ជាក្រុមហ៊ុនដែលត្រូវបានជ្រើសរើសពីកម្មវិធីឲ្យក្លាយជាតំណាងរបស់ព្រះរាជាណាចក្រកម្ពុជា ដើម្បីឈានទៅចូលរួមកម្មវិធី   ពានរង្វាន់បច្ចេកវិទ្យាគមនាគមន៍ និងព័ត៌មាន ថ្នាក់អាស៊ានឆ្នាំ២០១៧ (ASEAN ICT Awards 2017) ផងដែរ៕

ឯកឧត្តមរដ្ឋលេខាធិការ​ ឯក វណ្ណឌី ​ដឹកនាំ​ប្រតិភូកម្ពុជាធ្វើ​ទស្សនកិច្ច​សិក្សា​នៅ​ប្រទេសថៃ ​ដើម្បី​ស្វែង​យល់​ពី​គោល​នយោបាយ​ និង​បទ​ពិសោធន៍​ក្នុង​ការ​អភិវឌ្ឍ​វិស័យ​ប្រៃសណីយ៍​​

ពិធី​ជួប​សំណោះ​សំណាល​សួរ​សុខ​ទុក្ខនាយ​ទាហាន​ នាយ​ទាហាន​រង​ និង​ពលទាហាន​កង​ពល​ តូច​ថ្មើរ​ជើង​លេខ​៤១​​

វេទិកាស្តីពី​សហគ្រាសធុន​តូច​និងមធ្យម​ និងក្រុមហ៊ុន​ចាប់​ផ្តើម​ធុរកិច្ច​ថ្មី​លើ​វិស័យ​បច្ចេកវិទ្យា​គមនាគមន៍ និង​ព័ត៌មាន ​(ICT) ​ជាលើកទី​២​​

​វគ្គបណ្តុះ​បណ្តាល​ស្ដីពី ​“ការតម្រង់ទិស ​និងពង្រឹង​សមត្ថភាព​មន្ត្រី​ក្រប​ខណ្ឌថ្មី​ ឆ្នាំ២០១៧”​​

vanchhai | ថ្ងៃ ពុធ ទី ១៥ ខែ កុម្ភៈ ឆ្នាំ ២០១៧

ចំនួនអ្នកអាន 2063

ទម្រង់ស្វែងរកព័ត៌មានងាយៗ
បណ្ណាល័យព័ត៌មាន
រចនាសម្ព័ន្ធក្រសួង​​​

ថ្ងៃ អង្គារ ទី ០៨ ខែ មេសា ឆ្នាំ ២០១៤

ទំព័ររដ្ឋមន្រ្តី​​​

ថ្ងៃ ពុធ ទី ០៥ ខែ កុម្ភៈ ឆ្នាំ ២០១៤

ថ្នាក់ដឹកនាំក្រសួង​​​

ថ្ងៃ សុក្រ ទី ២៨ ខែ កុម្ភៈ ឆ្នាំ ២០១៤

ព័ត៌មានសង្ខេបស្តីពីក្រសួង​​​

ថ្ងៃ ពុធ ទី ១២ ខែ មិនា ឆ្នាំ ២០១៤