ឯកឧត្ដមរដ្ឋមន្ត្រី ត្រាំ អុីវតឹក អញ្ជើញជាអធិបតីក្នុងសិក្ខាសាលាស្ដីពី “ការអភិវឌ្ឍន៍លើវិស័យ ICT និងកាលានុវត្តន៍ភាពវិនិយោគនៅព្រះរាជាណាចក្រកម្ពុជា”​

រាជធានីភ្នំពេញ៖ ព្រឹកថ្ងៃច័ន្ទ ០១កើត ខែភទ្របទ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១០ ខែកញ្ញា ឆ្នាំ២០១៨ នៅសណ្ឋាគាសុខាភ្នំពេញ ឯកឧត្ដម ត្រាំ អ៊ីវតឹក រដ្ឋមន្ត្រីក្រសួងប្រៃសណីយ៍ និងទូរគមនាគមន៍ បានអញ្ជើញជាអធិបតីភាពដ៏ខ្ពង់ខ្ពស់ក្នុងសិក្ខាសាលាស្ដីពី “ការអភិវឌ្ឍលើវិស័យបច្ចេកវិទ្យាគមនាគមន៍ និងព័ត៌មាន និងកាលានុវត្តន៍ភាពវិនិយោគនៅព្រះរាជាណាចក្រកម្ពុជា” ដោយមានការចូលរួមពីសំណាក់ ឯកឧត្ដម លោកជំទាវ លោក លោកស្រី ថ្នាក់ដឹកនាំក្រសួង ប.ទ. តំណាងក្រសួងសេដ្ឋកិច្ចនិងហិរញ្ញវត្ថុ ក្រុមប្រឹក្សាសេដ្ឋកិច្ចកម្ពុជា និងប្រតិបត្តិករនានាផងដែរ។



ក្នុងឱកាសនោះ ឯកឧត្ដមរដ្ឋមន្ត្រី បានមានប្រសាស៍ថា វេទិការដ៏មានសារៈសំខាន់មួយ ដែលបានផ្ដល់ឱកាសឱ្យយើងទាំងអស់គ្នាជាតួអង្គដ៏សំខាន់ៗមកពីបណ្ដាក្រសួងស្ថាប័ន ក្រុមហ៊ុនអន្តរជាតិ និងក្រុមហ៊ុនក្នុងស្រុក បានជួបជុំប្រមូលផ្តុំគ្នាដើម្បីធ្វើការចែករម្លែកពីគោលបំណងរួមក្នុងគោលដៅទាក់ទាញវិនិយោគិនបន្ថែមទៀតចូលមកវិនិយោគក្នុងប្រទេសកម្ពុជា។ ប្រទេសកម្ពុជាត្រូវការការវិនិយោគបន្ថែមទៀត ដើម្បីប្រែក្លាយខ្លួនឱ្យមានការរីកចម្រើនដូចសមាជិកអាស៊ានដទៃទៀត ហើយវិស័យឯកជនជាតួអង្គយ៉ាងសំខាន់ក្នុងការធ្វើឱ្យសេដ្ឋកិច្ចឌីជីថលនៅកម្ពុជាដើរឆ្ពោះទៅមុខផងដែរ។ ឯកឧត្ដមរដ្ឋមន្ត្រី បានបន្ថែមទៀតថា បញ្ហាចម្បងៗដែលនឹងត្រូវលើកយកមកពិភាក្សានៅក្នុងវេទិកានេះគឺ ទាក់ទងទៅនឹងការបង្ហាញពីទិដ្ឋភាពផ្សេងៗនៃការអភិវឌ្ឍវិស័យធុរៈកិច្ច និងការវិនិយោគ ក្នុងគោលដៅស្វែងរកឱកាសវិនិយោគបន្ថែមទៀត នៅក្នុងព្រះរាជាណាចក្រកម្ពុជា។ តាមរយៈការចូលរួមធ្វើបទបង្ហាញ និងជជែកពិភាក្សារបស់វាគ្មិនដែលមានបទពិសោធន៍ខ្ពស់ នឹងផ្តល់ឱ្យយើងនូវធាតុចូលសំខាន់ថ្មីៗ ហើយយើងជឿជាក់ថាក្រុមហ៊ុនអាជីវកម្មក្នុងស្រុកទាំងអស់នឹងអាចរកបាននូវដៃគូធុរៈកិច្ចដែលអាចជឿទុកចិត្តគ្នាទៅវិញទៅមក និងសម្រេចគោលដៅរួមគ្នា។ ឯកឧត្ដមរដ្ឋមន្ត្រី សង្ឃឹមយ៉ាងមុតមាំថា វេទិកានេះនឹងផ្តល់ឱ្យក្រុមហ៊ុនទាំងអស់នូវការយល់ដឹងអំពីកាលានុវត្តភាពវិនិយោគថ្មីៗបន្ថែមទៀត៕






















 

លោកជំទាវ ឈរ ​ណារី​ ត្រាំ អុីវតឹក​ ដង្ហែ​អង្គកឋិន​ទាន​ទៅ​វេរប្រគេន​ព្រះ​សង្ឃ​ដែល​គង់ចាំ​ព្រះ​វស្សា​អស់​ត្រីមាស​ក្នុង​មណ្ឌល​វិបស្សនាធុរៈ​សារ​នាឋ​ពោធិរាជ​​

ឯកឧត្តមរដ្ឋមន្ត្រី ត្រាំ អុីវតឹក ទទួលជួបសំណេះសំណាល និងពិភាក្សាការងារជាមួយប្រតិភូគណៈកម្មការទី៩ នៃរដ្ឋសភា ដឹកនាំដោយលោកជំទាវ និន សាផុន ​

ឯកឧត្ដមរដ្ឋមន្ត្រី ត្រាំ អុីវតឹក អញ្ជើញចូលរួមសន្និសីទស្តីពី “The 5th World Internet Conference-WIC)“  នៅក្រុងWuzhen ខេត្ត Zhejiang នៃសាធារណរដ្ឋប្រជាមានិតចិន​

ឯកឧត្តមរដ្ឋមន្ត្រី ត្រាំ អុីវតឹក បានដឹកនាំគណៈ​ប្រតិភូក្រសួង អញ្ជើញបំពេញទស្សនកិច្ចនៅមជ្ឈមណ្ឌលស្រាវជ្រាវបច្ចេកវិទ្យាទូរគមនាគមន៍និងព័ត៌មាន នៅទីក្រុង Dong Guan​

piseth | ថ្ងៃ ច័ន្ទ ទី ១០ ខែ កញ្ញា ឆ្នាំ ២០១៨

ចំនួនអ្នកអាន 293

ទម្រង់ស្វែងរកព័ត៌មានងាយៗ
បណ្ណាល័យព័ត៌មាន
រចនាសម្ព័ន្ធក្រសួង​​​

ថ្ងៃ អង្គារ ទី ០៨ ខែ មេសា ឆ្នាំ ២០១៤

ទំព័ររដ្ឋមន្រ្តី​​​

ថ្ងៃ ពុធ ទី ០៥ ខែ កុម្ភៈ ឆ្នាំ ២០១៤

ថ្នាក់ដឹកនាំក្រសួង​​​

ថ្ងៃ សុក្រ ទី ២៨ ខែ កុម្ភៈ ឆ្នាំ ២០១៤

ព័ត៌មានសង្ខេបស្តីពីក្រសួង​​​

ថ្ងៃ ពុធ ទី ១២ ខែ មិនា ឆ្នាំ ២០១៤