ឯកឧត្តមរដ្ឋមន្ត្រី ត្រាំ អុីវតឹក អនុញ្ញាតឲ្យលោក Lin Hongliang អគ្គលេខាធិការ APPU ចូលជួបសម្តែងការគួរសម និងពិភាក្សាការងារ នៅទីស្ដីការក្រសួង​

រាជធានីភ្នំពេញ៖ ព្រឹកថ្ងៃអង្គារ ១១រោច ខែទុតិយាសាឍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី០៧ ខែសីហា ឆ្នាំ២០១៨ នៅទីស្ដីការក្រសួង ឯកឧត្តម ត្រាំ អុីវតឹក រដ្ឋមន្ត្រីក្រសួងប្រៃសណីយ៍ និងទូរគមនាគមន៍ បានទទួលជួបស្វាគមន៍ និងពិភាក្សាការងារជាមួយលោក Lin Hongliang អគ្គលេខាធិការ សហភាពប្រៃសណីយ៍អាស៊ីប៉ាស៊ីហ្វិក (APPU) ក្នុងអំឡុងពេលដំណើរទស្សនកិច្ចរបស់លោករយ:ពេល ៣ថ្ងៃ គឺចាប់ពីថ្ងៃទី៦ ដល់ថ្ងៃទី៨ ខែសីហា ឆ្នាំ២០១៨ នៅព្រះរាជាណាចក្រកម្ពុជា។ ដំណើរទស្សនកិច្ចនេះមានគោលបំណងដើម្បីពង្រឹងកិច្ចសហប្រតិបត្តិការវិស័យប្រៃសណីយ៍រវាងសហភាពប្រៃសណីយ៍អាស៊ីប៉ាស៊ីហ្វិក (APPU) និងព្រះរាជាណាចក្រកម្ពុជា។

លោក Lin Hongliang អគ្គលេខាធិការ (APPU) (រូបឆ្វេង)    ឯកឧត្តម ត្រាំ អុីវតឹក រដ្ឋមន្ត្រីក្រសួងប្រៃសណីយ៍ និងទូរគមនាគមន៍ (រូបស្តាំ)
 
ក្នុងជំនួបពិភាក្សាការងារ  ឯកឧត្តមរដ្ឋមន្ត្រី បានជម្រាបជូនលោកអគ្គលេខាធិការ សហភាពប្រៃសណីយ៍អាស៊ីប៉ាស៊ីហ្វិក អំពីការអភិវឌ្ឍនៃវិស័យប្រៃសណីយ៍ និងការរៀបចំបទដ្ឋានគតិយុត្តក៏ដូចជាគោលនយោបាយសម្រាប់អភិវឌ្ឍវិស័យនេះ។ ជាមួយគ្នានេះ ឯកឧត្តមរដ្ឋមន្ត្រី បានស្នើសុំការបន្តពង្រឹងកិច្ចសហការគ្នាលើវិស័យប្រៃសណីយ៍បន្ថែមទៀត រួមទាំងការបណ្តុះបណ្តាលធនធានមនុស្ស និងការផ្តល់នូវអ្នកជំនាញផ្នែកប្រៃសណីយ៍ក្នុងការចូលរួមផ្តល់ធាតុចូលដល់ការពង្រាងគោលនយោបាយប្រៃសណីយ៍ ដើម្បីធានានូវអនុលោមភាពតាមស្តង់ដាអន្តរជាតិ។



លោកអគ្គលេខាធិការ APPU បានថ្លែងអំណរគុណ និងកោតសរសើរដល់ឯកឧត្តមរដ្ឋមន្ត្រី និងថ្នាក់ដឹកនាំគ្រប់ជាន់ថ្នាក់ដែលបានខិតខំប្រឹងប្រែងគ្រប់បែបយ៉ាងខ្លាំងក្នុងការអភិវឌ្ឍខ្លួន និងចូលរួមយ៉ាងសកម្មជាមួយសហភាពប្រៃសណីយ៍អាស៊ីប៉ាស៊ីហ្វិក។ លោកក៏បានទទួលយកសំណើរបស់ភាគីកម្ពុជា និងខិតខំប្រឹងប្រែងជាមួយអ្នកឯកទេសដើម្បីចូលរួមជួយជ្រោមជ្រែងវិស័យប្រៃសណីយ៍នៅកម្ពុជាឲ្យវិវឌ្ឍន៍ឈានឡើងមួយកម្រិតទៀត។

នៅថ្ងៃដដែលនេះ លោកអគ្គលេខាធិការ APPU ក៏គ្រោងនឹងជួបពិភាក្សាការងារជាមួយប្រៃសណីយ៍កម្ពុជា និងធ្វើទស្សនកិច្ចដំណើរការផ្គត់ផ្គង់សេវាប្រៃសណីយ៍ជាក់ស្តែងនៅប្រៃសណីយ៍កម្ពុជាផងដែរ៕

















 

​​ឯកឧត្ដម​រដ្ឋមន្ត្រី​ ​ត្រាំ​ អុី​វ​តឹក​ ​អញ្ជើញ​ដឹកនាំ​កិច្ចប្រជុំ​ក្រុមប្រឹក្សា​ភិ​បាល​មូលនិធិ​កាតព្វកិច្ច​សេវា​សកល​ទូរគមនាគមន៍​ (​ក​.​ម​.​ក​.​ស​.​ទ​.)​លើក​ទី​៩​ ​

​​ឯកឧត្តម​រដ្ឋមន្ត្រី​ ​ត្រាំ​ ​អុីវ​តឹក​ ​ទទួល​ជួបពិភាក្សា​ការងារ​ជាមួយ​មន្ត្រី​ជាន់ខ្ពស់​ធនាគារ​អភិវឌ្ឍន៍​អាស៊ី​​

​​ឯកឧត្តម​រដ្ឋមន្ត្រី​ ​ត្រាំ​ អុី​វ​តឹក​ ​អញ្ជើញ​ដឹកនាំ​កិច្ចប្រជុំ​ពិភាក្សា​ការងារ​គណៈកម្មការ​ចង​ស​ម្ព័ន្ធ​មេត្រីភាព​ជាមួយ​កងពលតូច​ថ្មើរជើង​លេខ​៤​១​​

​​ឯកឧត្តម​រដ្ឋមន្ត្រី​ ​ត្រាំ​ ​អ៊ី​វ​តឹក​ ​អនុញ្ញាត​ឱ្យតំណាង​ប្រធាន​ក្រុមហ៊ុន​ ​H​y​a​l​Route​ ​Group​ ​ចូល​ជួប​សម្ដែង​ការគួរសម​ ​និង​ពិភាក្សា​ការងារ​ ​នៅ​ទីស្តីការ​ក្រសួង​​

piseth | ថ្ងៃ អង្គារ ទី ០៧ ខែ សីហា ឆ្នាំ ២០១៨

ចំនួនអ្នកអាន 565

ទម្រង់ស្វែងរកព័ត៌មានងាយៗ
បណ្ណាល័យព័ត៌មាន
រចនាសម្ព័ន្ធក្រសួង​​​

ថ្ងៃ អង្គារ ទី ០៨ ខែ មេសា ឆ្នាំ ២០១៤

ទំព័ររដ្ឋមន្រ្តី​​​

ថ្ងៃ ពុធ ទី ០៥ ខែ កុម្ភៈ ឆ្នាំ ២០១៤

ថ្នាក់ដឹកនាំក្រសួង​​​

ថ្ងៃ សុក្រ ទី ២៨ ខែ កុម្ភៈ ឆ្នាំ ២០១៤

ព័ត៌មានសង្ខេបស្តីពីក្រសួង​​​

ថ្ងៃ ពុធ ទី ១២ ខែ មិនា ឆ្នាំ ២០១៤